Krucialstvo praciahvajecca, abo «Libieralizacyja vybarčaha zakanadaŭstva»
Pavodle novaha vybarčaha zakanadaŭstva, apazicyjny kandydat zmoža vytracić na kampaniju nie bolš za 70 tys. dalaraŭ. Piša Barys Tumar.
Pavodle novaha vybarčaha zakanadaŭstva, apazicyjny kandydat zmoža vytracić na kampaniju nie bolš za 70 tys. dalaraŭ.
Centrvybarkam prapanuje abmiežavać pamier indyvidualnych fondaŭ kandydataŭ u prezidenty 3000 bazavych vieličyniaŭ. Na siońnia heta 105 miljonaŭ rubloŭ, abo mienš za 40 tys. dalaraŭ. U dadatak da indyvidualna sabranych fondaŭ kandydaty atrymajuć 2300 bazavych vieličyń ad dziaržavy. Razam suma nie pieravysić 200 miljonaŭ rubloŭ. Takuju normu CVK prapanuje na zaćviardžeńnie pałaty pradstaŭnikoŭ.
Heta adna z normaŭ, jakija padajucca jak vialikaja sastupka łukašenkaŭcaŭ niezaležnamu hramadstvu i Zachadu.
Takim čynam, apazicyjny kandydat zmoža vytracić na kampaniju nie bolš za 70 tys. dalaraŭ.
Heta mizernaja suma — usiaho 20 rubloŭ na kožnaha hramadzianina Biełarusi.Za takuju sumu kandydat nie zmoža nadrukavać navat stolki ulotak, kab jany trapili ŭ kožnuju paštovuju skrynku. Niama čaho i kazać pra televizijnuju rekłamu. Zrešty, u «demakratyčnaj Biełarusi» telebačańni pracujuć na adnaho čałavieka, dyk kab i mieŭ hrošy, tudy z alternatyŭnymi idejami nie ŭsuniešsia. Dazvolenych Jarmošynaj hrošaj zabraknie navat na arhanizacyju ahitacyjnych aŭtakaravanaŭ — tradycyjnych sposabaŭ palityčnaj ahitacyi ŭ demakratyčnych krainach, jakija i ŭ Biełarusi možna było b ažyćciavić.
Sam Alaksandr Łukašenka na ŭsich minułych vybarach rasparadžaŭsia sumami našmat bolšaha paradku.Jon pravioŭ bahaty «Usiebiełaruski narodny schod», arhanizavaŭ dziesiatki ahitkancertaŭ «Za Biełaruś». Śpiecvypusk «Sovietskoj Biełoruśsii» trapiŭ u kožnuju skryniu. Adzin numar hetaj haziety kaštuje ŭ 25 razoŭ bolej, čym tyja 20 rubloŭ, jakija Jarmošyna dazvolić vytracić apazicyi.
Biudžet adnaho «usiebiełaruskaha narodnaha schodu» budzie bolšy, čym košt usioj apazicyjnaj kampanii.
Znajšła paćvierdžańnie toje, u čym i tak nichto nie sumniavaŭsia. Novyja normy zadumanyja Łukašenkam i pryznačanaj im Jarmošynaj takim čynam, kab nijak nie parušyłasia ichnaja manapolija na ŭładu, ustanoŭlenaja imi ŭ parušeńnie Kanstytucyi.
Apazicyja kaniečnie pavinna vykarystoŭvać vybarčuju kampaniju dla palityčnaj ahitacyi. Ale treba rabić heta pa ŭłasnym scenary, a nie padyhryvajučy ŭ šoŭ, meta jakoha — lehitymizacyja samadziaržaŭja.
Kamientary