«Pakazać kancepcyju dobraha, kazačnaha, čaroŭnaha horada». U Viciebsku abjavili konkurs na stvareńnie haradskoha talismana
U Viciebsku abjavili adkryty konkurs na stvareńnie haradskoha talismana ci maskota. Arhanizataram konkursu vystupiŭ Viciebski harvykankam.
Vobraz haradskoha talismana (maskota), jak paviedamlajecca, stvarajecca ŭ ramkach abłasnoha piłotnaha turystyčnaha prajekta «Vasilkovy kraj» i budzie vykarystany dla stvareńnia makietaŭ, vyrabu i ŭstanoŭki minijaciurnych haradskich skulptur (nie bolš za 20—30 sm), jakija adlustroŭvajuć historyju, kulturu, brendy Viciebska z zachavańniem adzinaj stylavoj kancepcyi.
Udzieł u konkursie nie abmiežavany hieahrafična, nie maje prafiesijnych abmiežavańniaŭ. Kožny ŭdzielnik abo kalektyŭ aŭtaraŭ moža prapanavać lubuju kolkaść konkursnych prajektaŭ.
Raspracavany talisman pavinien być fotahieničnym, adlustroŭvać haścinnaść i vietlivaść žycharoŭ Viciebska, vyklikać simpatyju i inšyja stanoŭčyja emocyi, pieradavać kancepcyju dobraha, kazačnaha, čaroŭnaha horada, havorycca ŭ paviedamleńni harvykankama.
Viciebski harvykankam ličyć, što prykładam vykarystańnia ŭ haradskoj prastory mini-skulptur moža stać horad Kalininhrad (Rasija) ź fihurami damavikoŭ-chomlinaŭ.
Ciapier čytajuć
Babaryka: Kali b my pieramahli — vajny va Ukrainie nie było b34
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary
diati, Achtung
eto było v 2013 hodu