«Паказаць канцэпцыю добрага, казачнага, чароўнага горада». У Віцебску аб'явілі конкурс на стварэнне гарадскога талісмана
У Віцебску аб'явілі адкрыты конкурс на стварэнне гарадскога талісмана ці маскота. Арганізатарам конкурсу выступіў Віцебскі гарвыканкам.
Вобраз гарадскога талісмана (маскота), як паведамляецца, ствараецца ў рамках абласнога пілотнага турыстычнага праекта «Васільковы край» і будзе выкарыстаны для стварэння макетаў, вырабу і ўстаноўкі мініяцюрных гарадскіх скульптур (не больш за 20—30 см), якія адлюстроўваюць гісторыю, культуру, брэнды Віцебска з захаваннем адзінай стылявой канцэпцыі.
Удзел у конкурсе не абмежаваны геаграфічна, не мае прафесійных абмежаванняў. Кожны ўдзельнік або калектыў аўтараў можа прапанаваць любую колькасць конкурсных праектаў.
Распрацаваны талісман павінен быць фотагенічным, адлюстроўваць гасціннасць і ветлівасць жыхароў Віцебска, выклікаць сімпатыю і іншыя станоўчыя эмоцыі, перадаваць канцэпцыю добрага, казачнага, чароўнага горада, гаворыцца ў паведамленні гарвыканкама.
Віцебскі гарвыканкам лічыць, што прыкладам выкарыстання ў гарадской прасторы міні-скульптур можа стаць горад Калінінград (Расія) з фігурамі дамавікоў-хомлінаў.
Лукашэнка нервова пракаментаваў візіт Ціханоўскай у Кіеў45
Каментары
дяти, Achtung
это было в 2013 году