U Viarchoŭnaj radzie prapanavali admianić śviaty 8 Sakavika, 1 Maja i 9 Maja
U Viarchoŭnuju radu Ukrainy pastupiŭ zakonaprajekt ab admienie śviataŭ 8 sakavika, 1 maja i 9 maja. Tak, zhodna z zakonaprajektam, zamiest 8 sakavika prapanujecca 25 lutaha (dzień naradžeńnia paetki Lesi Ukrainki) ustalavać novaje dziaržaŭnaje śviata — Dzień ukrainskaj žančyny.
Taksama vychadnym dniom prapanujecca zrabić 9 sakavika, Dzień naradžeńnia paeta Tarasa Šaŭčenki.
Zakonaprajekt prapanuje admianić śviatkavańnie Dnia ŭsich pracoŭnych 1 Maja i Dnia Pieramohi 9 Maja. Zamiest hetaha prapanujecca 8 maja adznačać Dzień pamiaci i prymireńnia.
«Kab paźbiehnuć ekanamičnych strat, varta likvidavać kamunistyčnyja rudymienty, pierš za ŭsio, 1 Maja (tak zvany Dzień pracy). U mai taksama varta pazbavicca ad rudymienta — śviatkavańnia «Dnia Pieramohi» 9 maja», — havorycca ŭ tłumačalnaj zapiscy da dakumienta.
«Zakančeńnie Druhoj suśvietnaj vajny adznačajecca 8 maja. Adnak u inšych dziaržavach heta nie śviatočny, a žałobny dzień pamiaci dziasiatkaŭ miljonaŭ zahinułych. Prydatny charaktar varta viarnuć i Ukrainie, što dazvalaje abyścisia bieź śviatkavańniaŭ na kaściach», — ličać raspracoŭščyki dakumienta.
U prajekcie taksama prapanoŭvajecca zrabić vychadnym druhuju niadzielu maja — u honar Dnia maci.
Ciapier čytajuć
Analityk Hienštaba, jaki malavaŭ kartu «adkul rychtavałasia napadzieńnie», apynuŭsia ŭ SIZA KDB za pracu na ŭkrainskuju raźviedku9
Kamientary
Dibiły, mla)