Pikiet suprać zakryćcia miežaŭ prajšoŭ la Hienieralnaha konsulstva Polščy ŭ Breście
«Nie zakryćciu miežaŭ», «Davajcie žyć družna» — z takimi łozunhami pryjšli siońnia da polskaha dypviedamstva bieraściejcy, vidavočna, arhanizavanyja ŭładami.
Tydzień tamu taki ž pikiet prajšoŭ kala hienkonsulstva Polščy ŭ Hrodnie. Tam «zvyčajnyja hramadzianie» pikietavali suprać zakryćcia pamiežnaha punkta «Babroŭniki». «Naša Niva» ŭvažliva vyvučyła foty — vypadkovych ludziej tam nie znajšłosia.
Jak raźvivalisia padziei
- 8 lutaha žurnalistu i aktyvistu polskaj nacyjanalnaj mienšaści Andreju Pačobutu prysudzili 8 hadoŭ uzmocnienaha režymu.
- Z 10 lutaha polski bok «u suviazi z važnymi intaresami dziaržaŭnaj biaśpieki» zakryŭ pamiežny pierachod ź Biełaruśsiu ŭ Babroŭnikach.
- 17 lutaha Biełaruś abviaściła, što ruch hruzavych aŭtamabilaŭ i ciahačoŭ, zarehistravanych u Polščy, budzie ciapier ažyćciaŭlacca tolki praź biełaruska-polski ŭčastak dziaržaŭnaj miažy Respubliki Biełaruś.
- 20 lutaha Polšča abmiežavała ruch na pamiežnym pierachodzie «Kukuryki-Kazłovičy», pakul «nie zdymuć abmiežavańni z polskich pieravozčykaŭ».
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary