Пікет супраць закрыцця межаў прайшоў ля Генеральнага консульства Польшчы ў Брэсце
«Не закрыццю межаў», «Давайце жыць дружна» — з такімі лозунгамі прыйшлі сёння да польскага дыпведамства берасцейцы, відавочна, арганізаваныя ўладамі.
Тыдзень таму такі ж пікет прайшоў каля генконсульства Польшчы ў Гродне. Там «звычайныя грамадзяне» пікетавалі супраць закрыцця памежнага пункта «Баброўнікі». «Наша Ніва» ўважліва вывучыла фоты — выпадковых людзей там не знайшлося.
Як развіваліся падзеі
- 8 лютага журналісту і актывісту польскай нацыянальнай меншасці Андрэю Пачобуту прысудзілі 8 гадоў узмоцненага рэжыму.
- З 10 лютага польскі бок «у сувязі з важнымі інтарэсамі дзяржаўнай бяспекі» закрыў памежны пераход з Беларуссю ў Баброўніках.
- 17 лютага Беларусь абвясціла, што рух грузавых аўтамабіляў і цягачоў, зарэгістраваных у Польшчы, будзе цяпер ажыццяўляцца толькі праз беларуска-польскі ўчастак дзяржаўнай мяжы Рэспублікі Беларусь.
- 20 лютага Польшча абмежавала рух на памежным пераходзе «Кукурыкі-Казловічы», пакуль «не здымуць абмежаванні з польскіх перавозчыкаў».
Каментары