Pucin uznaharodziŭ zienitna-rakietnuju bryhadu, jakaja maje dačynieńnie da źbićcia «Boinha» nad Danbasam u 2014 hodzie
Joj prysvojeny status «hvardziejskaja».
Uładzimir Pucin 21 lutaha prysvoiŭ 53-j zienitna-rakietnaj bryhadzie hanarovy status «hvardziejskaja». Adpaviedny ŭkaz byŭ apublikavany na rasijskim aficyjnym internet-partale pravavoj infarmacyi.
Va ŭkazie napisana, što hetaja bryhada «prajaviła masavuju hieraičnaść i advahu ŭ adstojvańni dziaržaŭnych intaresaŭ Ajčyny i jaje abaronie va ŭmovach uzbrojenych kanfliktaŭ».
Pry hetym Mižnarodny kryminalny sud u Haazie ŭ minułym hodzie paćvierdziŭ, što mienavita 53-j bryhadzie naležaŭ zienitna-rakietny kompleks «Buk», pry dapamozie jakoha sieparatysty niepryznanaj «DNR» u 2014 hodzie ŭ niebie nad Ukrainaj źbili hramadzianski samalot Boeng 777 małajzijskich avijalinij.
Tady pry krušeńni rejsa MH17 zahinuli ŭsie pasažyry i členy ekipaža — ahułam 298 čałaviek, ź jakich 196 byli hramadzianami Niderłandaŭ. Vinavatyja ŭ hetaj trahiedyi da hetaha času nie pryciahnutyja da adkaznaści i pražyvajuć na voli ŭ Rasii.
Nahadajem, što raniej u mižnarodnym sudzie była pradstaŭlena źlitaja telefonnaja razmova Uładzimira Pucina z adnym z tahačasnych lidaraŭ sieparatystaŭ na Danbasie, što dakazała niepasrednuju suviaź Rasii z raźviazvańniem kanfliktu va Ukrainie.
Čytajcie jašče:
«My chacieli b, kab sud byŭ u Haazie». Zialenski i premjer Niderłandaŭ abmierkavali stvareńnie śpiectrybunała pa rasijskaj ahresii
«Heta histaryčnaje prava Rasii — być mocnaj». Pucin vystupiŭ z pasłańniem
Franak Viačorka: Vajna nie skončycca, pakul nie skončycca hibrydnaja akupacyja Biełarusi
Ciapier čytajuć
Jarasłaŭ Ramančuk daje prahnoz, kali skončycca vajna. I raskazvaje, čym ciapier zajmajecca i jak jaho šakavali zajavy Babaryki5
Kamientary