«PVK Rodan» užo ŭ Minsku. Płanujuć sustreču na Kamiennaj Horcy
Ciaham lutaha ŭ Rasii i Ukrainie raspaŭsiudziłasia niezvyčajnaja subkultura, jakaja nazyvaje siabie «PVK Rodan». Pabliki subkultury źjavilisia dla Homiela i Mahilova, i, jak stała viadoma, hetaja źjava nie abminuła i Minsk.
«PVK Rjodan» nijak nie źviazanaja z vajskovymi kampanijami, hetaja abrevijatura maje chutčej žartoŭny charaktar. Heta supolnaść niefarmałaŭ i amataraŭ anime, u pryvatnaści, anime Hunter x Hunter. Prychilniki «Rodana» nosiać štany ŭ kletku, doŭhija vałasy, a taksama cišotki z vyjavami pavukoŭ i ličbaj 4, što i adsyłaje da anime. U Rasii jany vystupajuć suprać futbolnych fanataŭ-ultras, mihrantaŭ i vychadcaŭ z Kaŭkaza.
U Rasii «PVK Rodan» užo nabyła viadomaść praz sutyknieńni z futbolnymi fanatami, chvalavańni z udziełam subkultury prajšli i va Ukrainie. U abiedźviuch krainach pravaachoŭniki zacikavilisia supolnaściu, i ŭkrainskija siłaviki sprabujuć zrazumieć, ci jość u raspaŭsiudžvańni subkultury rasijski śled.
U Biełarusi pakul nie było sutyčak z udziełam «Rodana», ale ŭžo źjavilisia pryśviečanyja subkultury pabliki. Spačatku stała viadoma pra staronki ŭ telehramie, jakija kaardynujuć prychilnikaŭ u Homieli i Mahilovie, taksama «Rodan» maje i svaju staronku dla Minska.
Heta staronka ŭ tyktoku maje na momant napisańnia artykuła 612 padpisantaŭ. Minskaje «padraździaleńnie» nazvali «MOZD «Andiehraund» — rasšyfroŭvajecca, jak tłumačać sami aŭtary staronki, jak «Minskoje objedinienije zdravoho dvižienija». Samaje papularnaje videa ŭ akaŭncie vyjšła ŭsiaho 16 hadzin tamu, ale ŭžo maje bolš za 35 tysiač prahladaŭ. U im pradstaŭniki subkultury prapanujuć zładzić sustreču ŭ rajonie Kamiennaj Horki i demanstrujuć fota hipiermarkieta Green — mahčyma, heta miesca budučaj sustrečy.
Jašče ŭ akaŭncie jość čatyry videa, jakija majuć niedzie pa 2-3 tysiačy prahladaŭ, samy rańni z rolikaŭ źjaviŭsia čatyry dni tamu. U adnym ź ich, naprykład, śćviardžajecca, što padraździaleńnie, jakomu naležyć akaŭnt, nie biare ŭ pałon, i demanstrujucca kadry z barcami ŭ zale.
«Naša Niva» — bastyjon biełaruščyny
PADTRYMAĆU Homieli i Mahilovie adnamomantna źjavilisia pabliki niebiaśpiečnaj moładzievaj subkultury «PVK Rjodan»
Moda ŭ epochu niavyznačanaści. Što my budziem nasić hetaj viasnoj i čamu
Aściarožna, chipi! — Archiŭnyja karykatury z savieckaha «Vožyka»
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary