Minski kinateatr «Pieramoha» buduć rabić multypleksam ź piaćciu załami
Raniejšaja kancepcyja rekanstrukcyi kinateatra «Pieramoha», jakaja praduhledžvała stvareńnie trochzalnaha kinateatra, ciapier pierahledžana. Pra heta stała viadoma padčas vyjaznoj narady Minharvykankama pa pytańni jaho rekanstrukcyi. Ciapier vyrašana arhanizavać jašče i dźvie dadatkovyja kinazały.
Pavodle novaj kancepcyi, «Pieramoha» stanie sapraŭdnym multypleksam ź piaćciu załami, jakija zmohuć pryniać da 400 čałaviek.
Pa słovach dyrektara KUP «Minskaja spadčyna» Alaksandra Kochana, vonkava kinateatr amal nie źmienicca i zachavaje svaju nazvu.
«Heta znakavy abjekt dla horada, pomnik architektury, pabudavany kala 100 hadoŭ tamu. Pieršapačatkova heta byŭ kłub «Charčavik». Novuju funkcyju i znakavuju nazvu «Pieramoha» abjekt atrymaŭ paźniej. Hetaja nazva budzie zachavanaja.
Kinateatr pa sučasnych tendencyjach kinaindustryi stanie multypleksam, ale razam z tym zachavaje svajo histaryčnaje abličča. Vonkava jon praktyčna nie źmienicca.
Ciapier budaŭničaja hatoŭnaść abjekta — bolš za 50%, vykananyja asnoŭnyja raboty pa ŭzmacnieńni padmurkaŭ, ścien, pa kanstruktyŭnych elemientach», — skazaŭ čynoŭnik.
Budaŭničyja pracesy na abjekcie pačalisia ŭ lutym 2022 hoda.
Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?5
Kamientary