ŚMI: Były kiraŭnik SBU i siabar dziacinstva Zialenskaha znachodzicca pad śledstvam za pravały ŭ pracy viedamstva
Ukrainskija ŚMI 6 sakavika napisali pra toje, što były kiraŭnik Słužby biaśpieki Ukrainy, siabar dziacinstva Uładzimira Zialenskaha i jaho kolišni partnior pa studyi «Kvartał-95» Ivan Bakanaŭ fihuruje ŭ kryminalnaj vytvorčaści Dziaržaŭnaha biuro rasśledavańniaŭ Ukrainy pa spravie akupacyi častki krainy ŭ pieršy pieryjad vajny z Rasijaj hod tamu. Pra heta vydańniu NV raskazaŭ vysokapastaŭleny pradstaŭnik Ofisa prezidenta Ukrainy.
Ivan Bakanaŭ byŭ zvolnieny ŭ lipieni minułaha hoda z pasady kiraŭnika SBU, a ciapier znachodzicca pad śledstvam. Jaho abvinavačvajuć u pravale pracy SBU ŭ pieradvajenny pieryjad i na pačatkovym etapie poŭnamaštabnaha ŭvarvańnia Rasii va Ukrainu. Havorka idzie pra źjaŭleńnie ŭ klučavoj siłavoj struktury krainy rasijskich ahientaŭ, u pryvatnaści padazravanaha ŭ dziaržzdradzie Aleha Kuliniča, eks-načalnika adnaho z upraŭleńniaŭ śpiecsłužby.
«Vajna ahaliła ŭsio, što adbyvajecca ŭ SBU. I ŭ AP žachnulisia ad taho, jak kiravaŭ Bakanaŭ. Pa mnohich napramkach — poŭny pravał», — patłumačyła krynica, admoviŭšysia, adnak, raskryć detali śledstva.
Ciapier čytajuć
U Varšavu pryjechała sotnia biełaruskich palitviaźniaŭ17
Kamientary