U pošukach ježy busły vyjšli na paleskija darohi FOTA i VIDEA
Paśla anamalna ciopłych dzion u kancy sakavika ŭ Biełarusi prajšoŭ śniehapad, ziamlu zamiało. Pa načach słupok termomietra apuskaŭsia da minusavych značeńniaŭ, na niekatorych vadajomach znoŭ źjaviŭsia lod. Jak vynik, źnik korm dla pieralotnych ptušak, i busły, jakija sioleta viarnulisia dachaty raniej, čym zvyčajna, apynulisia ŭ składanym stanoviščy.
Dniami žychar Mikaševičaŭ naziraŭ takuju karcinu na darozie ŭ pryvatnym siektary. U pošukach ježy čarada busłoŭ błukała pa prajeznaj častcy i niekatory čas supravadžała kiroŭcu, piša «Miedyja Paleśsie».
U padobnaj situacyi, darečy, pieralotnyja ptuški akazvalisia i letaś, i 10 hadoŭ tamu — u 2013-m.
Dziesiać hadoŭ tamu była adznačanaja hibiel pieralotnych ptušak, asabliva busłoŭ. U niekatorych vioskach žychary źbirali paŭzamierzłych ptušak i vychodžvali ich doma, a taksama prynosili im ježu, jakuju raskładali na łuhach i ŭ palach.
Milicyja vypadkova vykłała ŭnutrany dakumient z analizam miedyja. Voś kaho jany siońnia čytali i jakija ŚMI ličać niezaležnymi4
Kamientary