Pažyłyja minčanie zmohuć tancavać na lehiendarnaj placoŭcy ŭ parku Čaluskincaŭ biaspłatna
Tancavalnyja viečary pad adkrytym niebam u staličnym parku startujuć u siaredzinie maja.
Staryja minčanie zmohuć tancavać na placoŭcy ŭ parku Čaluskincaŭ biaspłatna. Takoje rašeńnie pryniaŭ Minharvykankam.
Zdajecca, havorka idzie pra mužčyn i žančyn piensijnaha ŭzrostu. Namieśnik staršyni Minharvykankama Andrej Stryželski nazvaŭ heta rašeńnie padarunkam ad horada starym ludziam, pišuć «Minsk-Naviny».
«Tancplacoŭka ŭ parku imia Čaluskincaŭ karystajecca niaźmiennaj papularnaściu ŭ pradstaŭnikoŭ starejšaha pakaleńnia. U hod 80-hodździa Pieramohi ŭ Vialikaj Ajčynnaj vajnie horad robić minčanam elehantnaha ŭzrostu svojeasablivy padarunak: ź siaredziny maja jany zmohuć naviedvać tancavalnyja viečary dla adkrytym niebam biaspłatna. Usie vydatki biare na siabie horad», — adznačyŭ Stryželski.
Jon dadaŭ, što ŭ siaredzinie maja ŭ kožnym rajonie stalicy adčyniacca tancavalnyja placoŭki. Jany buduć pracavać rehularna ŭvieś ciopły siezon. Tancavalnyja viečary zapłanavany i ŭ haradskich damach kultury.
Tancplacoŭka ŭ Parku Čaluskincaŭ, abo, jak jaje nazyvajuć u narodzie, «Doški», zvyčajna pracuje pa viečarach u vychodnyja i śviatočnyja dni. U minułym hodzie bilet na prahramu «Dla tych, chto małady dušoj» kaštavaŭ 4 rubli 80 kapiejek. Za rubiel možna było zamović miełodyju.
Ciapier čytajuć
U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ8
Kamientary