Papa Rymski Francišak prapanavaŭ ustalavać dvuchtydniovaje pieramirje ŭ zonie vajennych dziejańniaŭ va Ukrainie z 9 krasavika na čas śviatkavańnia Vialikadnia i vielikodnych tydniaŭ katalikami, pratestantami i pravasłaŭnymi.
Pra heta paviedamiŭ u piatnicu TASS staršynia Suśvietnaha sajuza staravieraŭ Leanid Sievaśćianaŭ sa spasyłkaj na asabistuju razmovu z pantyfikam.
«Nastupny tydzień — heta tydzień Vialikadnia katalicki, a potym — tydzień Vialikadnia pravasłaŭnaha. I tolki što Papa mnie paviedamiŭ, što jon u honar hetaha prapanuje, kab u zonie śpiecyjalnaj vajennaj apieracyi va Ukrainie spynilisia ŭsie bajavyja dziejańni na dva tydni — na katalicki i pravasłaŭny vielikodnyja tydni. Heta značyć, kab z hetaj niadzieli i na praciahu dvuch tydniaŭ naohuł nie było b nijakich nastupaŭ, kab usie spynili adzin u adnaho stralać i było abvieščanaje pieramirje», — skazaŭ Sievaśćianaŭ.
Lidar staravieraŭ adznačyŭ, što dla pantyfika hetaja tema vielmi važnaja i jon paprasiŭ ad jaho asoby abviaścić pra heta. «Kali łaska, paviedami heta ŭsim», — pryvioŭ Sievaśćianaŭ słovy papy Franciška.
Papa Francišak pajedzie ŭ Kijeŭ tolki tady, kali jaho zaprosiać i ŭ Maskvu
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»6
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka82
Kamientary
śliškom pozdno