U sacsietki trapiła novaja porcyja sakretnych dakumientaŭ ZŠA, adnak nieviadoma, ci jany praŭdzivyja
U sacyjalnych sietkach źjaviłasia novaja porcyja sakretnych dakumientaŭ, jakija, vierahodna, detalizujuć sakrety amierykanskaj nacyjanalnaj biaśpieki ŭ dačynieńni da Ukrainy, Blizkaha Uschodu i Kitaja.
Analityki zajavili, što ŭ internet mahli trapić bolš za 100 dakumientaŭ. Maštab uciečki razam z adčuvalnaściu samich dakumientaŭ moža nanieści vielizarnuju škodu, zajavili amierykanskija aficyjnyja asoby.
Vysokapastaŭleny pradstaŭnik amierykanskaj raźviedki nazvaŭ uciečku «kašmaram dla hrupy «Piaci vačej», majučy na ŭvazie ZŠA, Vialikabrytaniju, Aŭstraliju, Novuju Ziełandyju i Kanadu, jakija aktyŭna abmieńvajucca raźviedvalnaj infarmacyjaj.
Adznačajecca, što novyja dakumienty byli znojdzienyja ŭ tvitary i inšych sajtach 7 krasavika, praź dzień paśla taho, jak u administracyi Bajdena zajavili, što rasśledujuć patencyjnuju ŭciečku sakretnych ukrainskich vajennych płanaŭ.
Adzin sa słajdaŭ, datavany 23 lutaha, maje adznaku «sakret/NoForn», što aznačaje, što jon nie pryznačany dla pieradačy inšym krainam, paviedamlaje vydańnie.
Były vysokapastaŭleny čynoŭnik Pientahona Mik Małroj zajaviŭ, što ŭciečka sakretnych dakumientaŭ źjaŭlajecca «značnaj dzirkaj u biaśpiecy», što moža pieraškodzić ukrainskamu vajskovamu płanavańniu.
«Pakolki ŭ asnoŭnym byli apublikavanyja fota dakumientaŭ, padobna, što heta była naŭmysnaja ŭciečka, ažyćcioŭlenaja kimści, chto chacieŭ nanieści škodu namahańniam Ukrainy, ZŠA i NATA», — skazaŭ jon.
Pry hetym apublikavanyja dakumienty jon nazvaŭ «vierchavinaj ajśbierha».
«Pakul pradstaŭniki Pientahona i ahienctvaŭ nacyjanalnaj biaśpieki daśledavali krynicu dakumientaŭ, jakija źjavilisia ŭ Twitter i Telegram, jašče adzin źjaviŭsia na 4chan — ananimnaj došcy abjavaŭ. Heta karta, jakaja nibyta pakazvaje stan vajny va ŭschodnieŭkrainskim horadzie Bachmut. Ale hetaja ŭciečka dakumientaŭ, padobna, vychodzić daloka za miežy sakretnych materyjałaŭ adnosna vajennych płanaŭ Ukrainy», — piša vydańnie.
Ekśpierty pa biaśpiecy, jakija prahledzieli dakumienty, što trapili ŭ sacsietki, kažuć, što hetaja porcyja dakumientaŭ taksama ŭklučaje ŭ siabie kanfidencyjnyja słajdy ab Kitai, indyjska-Cichaakijanskim teatry vajennych dziejańniaŭ, Blizkim Uschodzie i teraryźmie.
Za začynienymi dźviaryma, paviedamlaje NYT, supracoŭniki Nacyjanalnaj biaśpieki sprabujuć znajści vinavataha. Adzin čynoŭnik skazaŭ, što dakumienty, vierahodna, pastupili nie ad ukrainskaha boku, pakolki jon nie mieŭ dostupu da kankretnych płanaŭ, jakija majuć markiroŭku ofisaŭ Abjadnanaha štaba Pientahona. Druhi čynoŭnik zajaviŭ, što vyznačyć, jak adbyłasia ŭciečka dakumientaŭ, stanie mahčymym paśla taho, jak budzie vyznačana, chto z čynoŭnikaŭ mieŭ da ich dostup.
Analityk niderłandskaha sajta rasśledavańniaŭ Bellingcat Aryk Toler paviedamiŭ, što pieršaja častka dakumientaŭ była apublikavanaja na pačatku sakavika na Discord-płatformie čata ŭ sacyjalnych sietkach, jakaja papularnaja siarod amataraŭ videahulniaŭ, piša vydańnie.
Były kamandzir bataljona Nacyjanalnaj hvardyi Ukrainy, padpałkoŭnik Juryj Biareza ličyć, što na padobnyja naviny ab uciečcy infarmacyi nie varta źviartać uvahi. Jon adznačyŭ, što infarmacyjnaja vajna nastolki intensiŭnaja, što «my bolš nie možam vyznačać, dzie praŭda, a dzie chłuśnia», dadaje NYT.
U sacsietki trapili płany ZŠA i NATA pa padrychtoŭcy ŭkrainskaha nastupu
Alaksiej Daniłaŭ prakamientavaŭ infarmacyju pra mahčymyja napramki kontrnastupu i jaho terminy
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»6
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka82
Kamientary