Advakatu Alaksandru Danileviču dali 10 hod kałonii — za dapamohu Apiejkinu i Hierasimieni
Sudździa Taćciana Falkoŭskaja prysudziła advakatu Alaksandru Danileviču 10 hadoŭ kałonii. Vinu jon nie pryznaŭ i nastojvaŭ, što vykonvaŭ svaje prafiesijnyja abaviazki.
U Minskim haradskim sudzie 10 sakavika raspačaŭsia sud nad palitźniavolenym advakatam Alaksandram Danilevičam.
Jaho abvinavacili ŭ «saŭdziele ŭ zaklikach da sankcyj» spartoŭcam Alaksandry Hierasimieni i Alaksandru Apiejkinu, jakich zavočna asudzili da 12 hadoŭ kałonii (č. 6 art. 16 i č. 3 art. 361 Kryminalnaha kodeksa) i «sadziejničańni ekstremisckaj dziejnaści» (č. 1 art. 361-4 KK).
Tak kvalifikavali jaho advakackija parady, padrychtoŭku stačkamam zvarotaŭ, a taksama intervju tak zvanamu «ekstremisckamu» internet-resursu «Trybunie».
Spravu razhladała sudździa Taćciana Falkoŭskaja. Prakuror Taćciana Cybula zaprasiła dla Danileviča 10 hadoŭ kałonii. Sudździa z hetym pahadziłasia.
Alaksandr Danilevič — šmatdzietny baćka. Niezadoŭha da zatrymańnia jon padpisaŭ antyvajenny zvarot advakataŭ i jurystaŭ adnosna dziejańniaŭ va Ukrainie. Adrazu paśla padpisańnia lista suprać vajny ŭ Danileviča pačalisia prablemy ŭ advakatury — zaviali dyscyplinarnuju vytvorčaść. Taksama jaho zvolnili z BDU, dzie jon bolš za 20 hadoŭ vykładaŭ na fakultecie mižnarodnych adnosin.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim10
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary