Ministr zamiežnych spraŭ Biełarusi Siarhiej Alejnik naviedvaje ź vizitam Vienhryju, piša BIEŁTA.
Pad staršynstvam Siarhieja Alejnika i ministra zamiežnych spraŭ Vienhryi Pietera Sijarta ŭ Budapiešcie 12 krasavika projdzie pasiadžeńnie mižuradavaj kamisii pa ekanamičnym supracoŭnictvie.
U lutym Pieter Sijarta naviedaŭ ź vizitam Minsk. Heta byŭ pieršy za vielmi praciahły pieryjad vizit jeŭrapiejskaha čynoŭnika takoha ŭzroŭniu ŭ Minsk i jon vyklikaŭ šmat pytańniaŭ.
Tady baki, pavodle ahienctva, damovilisia viasnoj pravieści pasiadžeńnie kamisii pa ekanamičnym supracoŭnictvie.
«U chodzie sustrečy my damovilisia aktyvizavać sumiesnuju rabotu ŭ ramkach tradycyjnych instytucyjnych farmataŭ, što stanie dadatkovym stymułam dla pašyreńnia dyjapazonu ŭzajemadziejańnia. My zychodzim z razumieńnia, što dla paśpiachovaha raźvićcia dvuchbakovaha ekanamičnaha supracoŭnictva prostaha handlu ŭžo niedastatkova. Tamu adnoj z tem našych pierahavoraŭ było abmierkavańnie mahčymaściaŭ pašyreńnia pramysłovaj kaapieracyi», — raskazaŭ ab vynikach pierahavoraŭ Siarhiej Alejnik.
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia1
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia
Rasiejskaja armija rychtuje novy ŭdar pa ŭkrainskaj abaronie — navat bolš mahutny, čym šturm Aŭdziejeŭki13
Kamientary