«Idealny partnior rasijskaj žančyny ciapier biełarus». Rasijski intelektuał pahladzieŭ na apošni pucinski zakon ź niečakanaha boku
Rasijski žurnalist, hałoŭny redaktar sajta Carnegie.ru Maskoŭskaha centra Karnehi Alaksandr Baŭnaŭ zaŭvažyŭ, što kali padychodzić z čysta pravavoha boku, to hramadzianie Biełarusi, jakija žyvuć u Rasii, paśla pryniaćcia rasijskaj Dumaj zakona ab elektronnych armiejskich pozvach, jaki, pa sutnaści, zakryvaje vyjezd z krainy tym, chto nie choča vajavać, i abmiažoŭvaje ŭ pravach uchilistaŭ, akazvajucca ŭ samym pryvilejavanym stanie.
«Idealny partnior rasijskaj žančyny ciapier biełarus, — žartuje Baŭnaŭ. — Na terytoryi Rasii jon vałodaje praktyčna tymi ž ekanamičnymi pravami, što i rasijanin, ale nie moža być u ich abmiežavany. Žyvučy ŭ Rasii, jon zaŭsiody zmoža jeździć za miažu, kiravać mašynaj, jaje ž pradavać i kuplać, možna z kvateraj i dačaj, možna biez, adkryvać IP ci zakryvać jaho. Pry hetym jaho nie paciahnuć vajavać.
Biełaruski narod maje šaniec prymnožycca, a biełaruski pašpart vyhladaje lepš za brytanski dla tych, chto źbirajecca žyć u Rasii pry lubych abstavinach».
Praŭda, pry hetym jon sam nie maje iluzij adnosna hnutkaści rasijskich zakonaŭ i zadaje łahičnaje ŭ takoj situacyi pytańnie: «Cikava, ci doŭha zachavajecca hetaja asimietryja».
Pa pravuju ruku ad Łukašenki — Kola, pa levuju — Naścia Kazyryckaja. Nahadvajem, chto jana takaja21
Kamientary
Niejki ..)))sumnieuny typ ))