«Ідэальны партнёр расійскай жанчыны цяпер беларус». Расійскі інтэлектуал паглядзеў на апошні пуцінскі закон з нечаканага боку
Расійскі журналіст, галоўны рэдактар сайта Carnegie.ru Маскоўскага цэнтра Карнэгі Аляксандр Баўнаў заўважыў, што калі падыходзіць з чыста прававога боку, то грамадзяне Беларусі, якія жывуць у Расіі, пасля прыняцця расійскай Думай закона аб электронных армейскіх позвах, які, па сутнасці, закрывае выезд з краіны тым, хто не хоча ваяваць, і абмяжоўвае ў правах ухілістаў, аказваюцца ў самым прывілеяваным стане.
«Ідэальны партнёр расійскай жанчыны цяпер беларус, — жартуе Баўнаў. — На тэрыторыі Расіі ён валодае практычна тымі ж эканамічнымі правамі, што і расіянін, але не можа быць у іх абмежаваны. Жывучы ў Расіі, ён заўсёды зможа ездзіць за мяжу, кіраваць машынай, яе ж прадаваць і купляць, можна з кватэрай і дачай, можна без, адкрываць ІП ці закрываць яго. Пры гэтым яго не пацягнуць ваяваць.
Беларускі народ мае шанец прымножыцца, а беларускі пашпарт выглядае лепш за брытанскі для тых, хто збіраецца жыць у Расіі пры любых абставінах».
Праўда, пры гэтым ён сам не мае ілюзій адносна гнуткасці расійскіх законаў і задае лагічнае ў такой сітуацыі пытанне: «Цікава, ці доўга захаваецца гэтая асіметрыя».
Цяпер чытаюць
Хто той рэдактар беларускай Вікіпедыі, якога пасадзілі на два гады за «дыскрэдытацыю Беларусі»23
Каментары
Нейкі ..)))сумнеуны тып ))