Prezident Kazachstana Nursułtan Nazarbajeŭ płanuje naviedać Biełaruś u kancy listapada.
Ab hetym 9 listapada ŭ Astanie zajaviŭ žurnalistam premjer‑ministr Biełarusi Siarhiej Sidorski, paviedamlaje ahienctva Kazakhstan Today.
«Tolki što adbyłasia maja sustreča z prezidentam Kazachstana, my razmaŭlali ab padrychtoŭcy aficyjnaha vizitu Nursułtana Nazarbajeva ŭ Biełaruś, jaki adbudziecca ŭ kancy listapada hetaha hoda. Hałoŭnaje, kab hety vizit byŭ napoŭnieny źmiestam, jaki adpaviadaŭ by tamu tempu raźvićcia ekanomik, jaki jość siońnia ŭ Biełarusi, i tempu, zadadzienamu prezidentam Nazarbajevym pa industryjalna‑inavacyjnym raźvićci», — skazaŭ Sidorski.
«Raniej my damovilisia z premjer‑ministram Kazachstana ab realizacyi 37 prajektaŭ u roznych artykułach ekanomiki ad hornarudnaj, zdabyŭnoj pramysłovaści, mašynabudavańnia, mietałaapracoŭki, miedycyny, technałohij sielskahaspadarčaj vytvorčaści. Pryčym my vykazali hatoŭnaść da taho, kab dziejučym pradpryjemstvam u Biełarusi z kazachstanskim kapitałam i ŭ Kazachstanie ź biełaruskim kapitałam nadać dadatkovy impuls raźvićcia. Prezidentam Kazachstana takija padychody padtrymanyja», — adznačyŭ Sidorski.
Jon taksama paviedamiŭ, što premjer‑ministram Kazachstana i Biełarusi dadzieny daručeńni da vizitu Nazarbajeva ŭ Biełaruś prainfarmavać dvuch prezidentaŭ ab tym, što takija prajekty ŭzhodnienyja. «Ja dumaju, jość usio dla taho, kab ich realizavać», — padkreśliŭ premjer‑ministr Biełarusi.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami13
Kamientary