Śpikierka litoŭskaha Siejma: My pavinny patrabavać sankcyj suprać režymu Łukašenki, ale maksimalna padtrymać biełaruski narod
Śpikierka litoŭskaha Siejma Viktoryja Čmilicie-Nilsen vykazałasia pra zakon ab abmiežavańniach dla biełarusaŭ i rasijan. Pavodle jaje, jon vyklikaŭ «šmat dyskusij» u siejmie, a vynikovaja redakcyja dakumienta sa źmiakčeńniami dla biełarusaŭ stała «vynikam kampramisaŭ».
Čmilicie-Nilsen adznačyła, što ŭ parłamiencie bačać adroźnieńnie pamiž Rasijaj, jakaja aktyŭna viadzie vajnu, i režymam u Minsku, jaki «nie prymušaje biełaruski narod da aktyŭnaha ŭdziełu ŭ bajavych dziejańniach».
«Tamu kazać pra niejkaje parušeńnie raŭnapraŭja nie vielmi karektna», — skazała kiraŭnica parłamienta ŭ efiry Radyjo Žini Rad Radija.
Pry hetym jana dadała, što padtrymka vajny siarod nasielnictva RF vysokaja, a ŭ Biełarusi «zusim inšaja situacyja». Pavodle jaje słoŭ,
ułady Litvy pavinny zrabić «usio, što ŭ našych siłach, patrabujučy sankcyj suprać Łukašenki i jaho režymu», ale ŭ toj ža čas «maksimalna padtrymać» biełaruski narod u «składanaj situacyi».
Litoŭski parłamient 4 krasavika pryniaŭ zakon ab abmiežavalnych mierach u dačynieńni da hramadzian Rasii i Biełarusi, adnak abmiežavańni suprać biełarusaŭ byli mienšyja, čym suprać rasijan. Z hetym nie pahadziŭsia prezident Litvy Hitanas Naŭsieda i nakłaŭ na pryniaty zakon vieta. 20 krasavika płanujecca pasiadžeńnie Siejma, na jakim vieta buduć sprabavać pieraadoleć.
Siejm Litvy 20 krasavika pasprabuje pieraadoleć prezidenckaje vieta na zakon ab abmiežavańniach dla biełarusaŭ i rasijan
«Vielmi škada, što prezident nie prysłuchaŭsia da Cichanoŭskaj». Ministr zamiežnych spraŭ Litvy raskrytykavaŭ Naŭsiedu za vietavańnie zakona
Litoŭski siejm pryniaŭ niekatoryja abmiežavańni suprać hramadzian Biełarusi i Rasii, ale jany nieistotnyja
Łukašenkaŭcy ŭpieršyniu za doŭhi čas pakazali Viktara Babaryku24
Kamientary