Jana pracavała miedykam u Horackaj rajonnaj balnicy.
U Mahiloŭskaj abłasnoj balnicy pamierła žančyna, u jakoj miedyki vyjavili dvuchbakovuju pnieŭmaniju. Daktary nie vyklučajuć, što heta nastupstvy zachvorvańnia na hryp.
Žančyna pracavała miedykam. U Horackaj rajonnaj balnicy fakt śmierci pryznali. «Toje, što jana pamierła, — praŭda. Dyjahnaz — dvuchbakovaja pnieŭmanija. Vyniki abśledavańnia jašče nie hatovyja. Jano budzie pravodzicca na bazie abłasnoj balnicy», — paviedamiŭ u telefonnaj hutarcy supracoŭnik lačebnaj ustanovy.
Jak udałosia vyśvietlić, žančynu dastavili ŭ ciažkim stanie ŭ Mahiloŭskuju abłasnuju balnicu na pačatku minułaha tydnia.
Ci vyjavili ŭ niabožčycy najaŭnaść hetak zvanaha śvinoha hrypu? Miedyki pakul vykazvajucca nakont hetaha strymana.
«Pamierła jana ad pnieŭmanii. Heta źjaŭlajecca ŭskładnieńniem hrypu. Adnak dyjahnaz hety patrabuje jašče ŭdakładnieńnia, to bok pakul robiacca sierałahičnyja reakcyi. Joj pakul vystaŭleny hryp A. Tamu treba pačakać dzień‑dva, kab udakładnić usio heta», — skazaŭ pradstaŭnik administracyi miedycynskaj ustanovy.
U Horackim rajonie dzieci nie chodziać u škołu, choć kanikuły skončylisia dva tydni tamu. Nie vučacca i studenty tutejšaj sielskahaspadarčaj akademii.
«Rektarat u metach prafiłaktyki svaim zahadam prypyniŭ navučalny praces da sierady», — paviedamili ŭ horackim rajonnym centry hihijeny i epidemijałohii.
Pavodle słoŭ supracoŭnicy centra, u Horkach nazirajecca rost zachvorvańnia na VRVI i hryp.
Z supraćhrypoznymi preparatami situacyja ŭ rajcentry takaja ž, jak i paŭsiul. Ich niama.
«Ludzi navat pierad adkryćciom zajmajuć čerhi. U adnoj aptecy mnie skazali, što pryjšła mašyna. Litaralna ŭsio za paru dzion raskupili. Maski pastajanna ludzi šukajuć, imunamadulatary, imunastymulatary — usio takoje roznaje. Ludzi nie nadta vierać tamu, što im kažuć aficyjna. Čym bolš supakojvajuć, tym bolš čałaviek natapyrvajecca», — kaža žycharka Horak Halina.
Pavodle aficyjnaj infarmacyi, na 7 listapada na hryp u rehijonie chvareli 4.776 čałaviek, amal pałova ź ich — dzieci da 17 hadoŭ. Na karancin zakryty škoły nie tolki ŭ Horackim rajonie, ale i ŭ Mahilovie, Babrujsku, Mścisłavie, Mahiloŭskim i Klimavickim rajonach. Asobnyja kłasy nie vučacca na Škłoŭščynie i Kruhlanščynie. Usiaho ŭ rehijonie nie pracujuć 154 škoły. Prypynieny zaniatki ŭ Mahiloŭskim univiersitecie i Instytucie pravaznaŭstva. Zakryta i 15 siarednich śpiecyjalnych navučalnych ustanoŭ.
Kamientary