U I kvartale 2023 hoda ekspartnyja pastaŭki ŭhnajeńniaŭ ź Biełarusi praz terytoryju Rasii pavialičylisia ŭ 18,2 razu da anałahičnaha pieryjadu 2021-ha i skłali 2,13 młn ton. A pa vynikach 2022 hoda tranzit vyras u 76 razoŭ, piša Office Life, cytujučy rasijskaje vydańnie «Viedomosti».
Jak paviedamlajuć «Viedomosti» sa spasyłkaj na statystyku Instytuta prablem naturalnych manapolij, pastaŭki biełaruskich uhnajeńniaŭ praz rasijskuju terytoryju pa vynikach 2022 hoda skłali 3,54 młn ton. Tranzit kalijnych uhnajeńniaŭ skłaŭ 88% hetaha abjomu.
Asnoŭny abjom pastavak u 2023 hodzie prypaŭ na port Sankt-Pieciarburha — 823 tys. ton. U port Navarasijska pastupiła 361,2 tys. ton, na miažu z Kazachstanam — 346,1 tys. ton.
Taki rost tranzitu praz terytoryju Rasii źviazany z zachodnimi sankcyjami suprać «Biełaruśkalija». Paśla taho, jak krainy Bałtyi admovilisia pieravozić i apracoŭvać takija hruzy, u Łukašenki prosta nie było inšaha vyjścia, akramia jak tolki pieraaryjentavać pastaŭki na rasijskija party i paŭdniovuju miažu.
Statystyku zdabyčy i ekspartu kalijnych uhnajeńniaŭ Biełstat zakryŭ z 2021 hoda. Da taho abjomy ekspartu ŭhnajeńniaŭ składali kala 7 miljonaŭ ton za hod. Takim čynam, možna mierkavać, što da pieršaha kvartała 2023 hoda «Biełaruśkaliju» ŭdałosia całkam pieranakiravać svoj ekspart praz Rasiju, što, choć i finansava mienš vyhadna, čym adhruzki praz terminał u Kłajpiedzie, ale dazvalaje dachodzić da spažyŭcoŭ u Azii.
Łukašenku stała drenna na samicie ŠAS u Kazachstanie — Dožd́20
Kamientary