«U Biełarusi dla palakaŭ ciapier najhoršaje stanovišča ŭ śviecie» — Kancylaryja prezidenta Polščy
2 maja ŭ Polščy adznačajecca Dzień polskaj dyjaspary i palakaŭ zamiežža. U hety dzień sakratar Kancylaryi prezidenta Polščy Andžej Dera zajaviŭ, što najhoršaja situacyja dla palakaŭ zamiežža ciapier skłałasia ŭ Biełarusi, bo tam jany zaznajuć palityčny pieraśled.
Andžej Dera padkreśliŭ, što režym Łukašenki varoža stavicca da polskaj spadčyny, metanakiravana jaje vyniščaje:
«U Biełarusi źniščajucca polskija mohiłki, razburajucca mahiły polskich hierojaŭ. Ciapier heta aficyjnaja palityka Biełarusi. Na hety momant my nie možam niepasredna dapamahać našym suajčyńnikam, ale my namahajemsia heta rabić pa-inšamu, nie budu raspaviadać padrabiaznaści, kab dapamoha nie spyniłasia. Ciapier tam u palakaŭ samaja składanaja situacyja».
Pačynajučy ź minułaha hoda ŭ Biełarusi režym Łukašenki viadzie płanamiernaje źniščeńnie ci apahańvańnie pachavańniaŭ polskich žaŭnieraŭ časoŭ Druhoj suśvietnaj vajny ci polska-savieckaj vajny 1919—1920 hadoŭ. Viadoma pra padobnyja vypadki ŭ vioskach Bahdany, Babrovičy, Varziany, Dyndyliški, Mikuliški, Kačyčy, Plabaniški, Surkanty, a taksama ŭ horadzie Iŭje.
Akramia taho, režym aryštoŭvaŭ i ŭtrymlivaŭ u źniavoleńni lidaraŭ niepadkantrolnaha dziaržavie Sajuza palakaŭ Biełarusi. Adzin ź ich, žurnalist Andrej Pačobut, asudžany na 10 hadoŭ źniavoleńnia i dahetul znachodzicca za kratami. Taksama ŭ Biełarusi faktyčna źniščanaja adukacyja na polskaj movie.
Sakret niazłomnaści. Andrej Pačobut, zakładnik Alaksandra Łukašenki, śviatkuje 50-hodździe ŭ turmie
«Mnie było nialohka». Anžalika Borys dała pieršaje intervju paśla SIZA, chatniaha aryštu i spynieńnia spravy suprać jaje
Prapała pamiatnaja tablička z polskich vajskovych mohiłak u Varzianach na Astravieččynie
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1212
Kamientary