Na Nacyjanalnym pravavym internet-partale apublikavany prajekt čarhovych źmienaŭ u zakon ab darožnym ruchu, jakija źbirajucca nieŭzabavie pryniać. Jany tyčacca sielskahaspadarčych mašyn i kiroŭcaŭ, jakija prapali bieź viestak ci pamierli.
Pavodle zapłanavanych źmien, Minsielhascharč bolš nie zmoža samastojna prymać ekzamieny na prava kiravańniem traktaroŭ i samachodnych mašyn, jak było raniej. Taksama ŭdakładniajecca mahčymaść zdavać na katehoryju «B» na mašynie ź miechaničnaj tranśmisijaj abo bieź jaje «ŭ zaležnaści ad projdzienaj va ŭstanoŭlenym paradku padrychtoŭki».
Takim čynam, kali kiroŭca zdaje na katehoryju «B» z pamietkaj «tolki na aŭtamatyčnaj tranśmisii», to i aŭtamabil na ekzamienie pavinien być abstalavany adpaviednaj aŭtamatyčnaj karobkaj pieradač. Kali ž u pravach budzie pakazana katehoryja «B» biez paznak, to mahčymaja zdača ekzamienu jak na «aŭtamacie», tak i na «miechanicy».
U papraŭkach taksama ŭdakładniajecca, što pravy kiroŭcy ličacca niesapraŭdnymi, kali ich uładalnik pamior, abvieščany pamierłym ci prapaŭ bieź viestak.
Papiarednija papraŭki ŭ zakon ab darožnym ruchu prymalisia ŭ Biełarusi ŭ 2021 hodzie. Jany ŭstupali ŭ siłu ŭ dva etapy — z 1 studzienia i 22 vieraśnia 2022 hoda.
Ciapier čytajuć
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam7
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym77
Kamientary