U novaj mastackaj halerei «Ŭ» (Niezaležnaści, 37a) idzie vystava, pryśviečanaja biełaruskamu pop-artu.
U mastackaj halerei «Ŭ» (Niezaležnaści, 37a) adkryłasia vystava, pryśviečanaja biełaruskamu pop-artu.
U RB ž jak: u subotu, 7 listapada — vychodny, dziaržaŭnaje śviata, a ŭžo ŭ niadzielu handlaroŭ i tarbečnikaŭ z «Dynama» truba kliča na kapitalistyčna-pracoŭnuju vartu. Tamu pytańnie, ci jość čym pažyvicca ŭ Biełarusi mastaku, jaki pracuje ŭ kirunku pop-art i sac-artu, nie ŭźnikaje. U hetyja śviatočna-budzionnyja dni halereja sučasnaha mastactva Ŭ prezientuje prajekt: «Fiłasofija mas. Biełaruski niea-pop art». Vystaŭlajucca zubry biełaruskaha pop-artu: Uładzimir Ceśler, Rusłan Vaškievič, Artur Klinaŭ i Siarhiej Ždanovič.
U asnovie prajekta lažyć analiz uzajemaadnosinaŭ mastactva i masavaj kultury, to bok samoj sutnaści pop-artu: što biarecca z kiniematohrafa, telebačańnia, mody, rekłamy, hlancavych časopisaŭ, jak usio heta pieraasensoŭvajecca, i kali adkidajecca, dyk čamu. Tvory, pradstaŭlenyja ŭ dadzienym prajekcie — adlustravańnie ŭzajemadziejańnia, spałučeńnia, a taksama kanfliktu mastactva z masavaj kulturaj.
U dadatak daśviedčany naviednik na vystavie zmoža prasačyć histaryčnaje raźvićcio biełaruskaha pop-artu, vyjavić jaho asablivaści i paraŭnać ich z suśvietnym nabytkami.
«Fiłasofija mas. Biełaruski niea-pop art» — pieršy kuratarski prajekt Siarhieja Šabochina, mastaka, pieramožca «Biełaruskaha paviljona 53 Vieniecyjanskaj bijenale».
«Naša Niva» zadała jamu paru pytańniaŭ.
«Naša Niva»: Z pačynalnikam pop-artu Endzi Ŭorchałam usio zrazumieła: dla svaich mastackich ekpierymientaŭ jon vykarystoŭvaŭ abrazy viadomaj jamu masavaj kultury, zdymki Merylin Manro i rekłamnyja ŭlotki «Koka-Koły»… Što ž vykarystoŭvajuć biełaruskija mastaki?
Siarhiej Šabochin: Dy toje samaje.
Viedajecie, vyśviatlajecca, što Hary Poter bolš našy, čym zubry i vyšavanki.Pakolki pop-art heta mastactva, jakoje pierapracoŭvaje masavuju kulturu, pieravažna suśvietnuju, i ŭ dadatak biełaruskija mastaki nastolki zamiłavana karystajucca jaje nabytkami, što kali niechta ź ich pačynaje hulacca čysta biełaruskimi simvałami, dyk toje hladzicca trochi pryciahnutym za vušy, nienaturalna. Tut adčuvajecca podych hłabalizacyi.
«NN»: A jak ža aktyŭnaje vykarystańnie savieckaj pop-kultury, vyšyvanaja padušačka aŭtarstva Ceślera i Vojčanki z vyjavaj Šcirlica ŭ vašaj vystavie? Heta ž nie suśvietnaja maskultura…
SŠ: Heta ŭžo sac-art, inšaja pieśnia.
Sac-art — heta jak reakcyja na pop-art, savieckaja prajava pop-arta, ale srodki vyjaŭleńnia vielmi padobnyja,a taksama padobnaje vykarystańnie masavaha simvała ŭ mastackich metach.
«NN»: Ci zdolny pop-art, jaki pieražoŭvaje mas-kulturu, zrabić čałavieka bolš raźvitym u kulturnym płanie, bolš myślačym?
SŠ: Viadoma, bo
ŭ kucie pop-artu lažyć krytyka, krytyka hramadstva spažyvańnia, jaho pustečy,naprykład voś hety ekspanat, što ŭjaŭlaje ŭnitaz z uštukavanym televizaram («Pryśviačajecca Pialevinu»). Abo sieryja fotazdymkaŭ sučasnaha biełaruskaha viasiella (aŭtar Andrej Lankievič), dzie nie zastałasia aŭtentyčnych zaviadzionak, adnyja ahulnyja miescy, a biezabličnaja maskultura zamianiła tradycyju. Abo naprykład, pracy Siarhieja Ždanoviča (zdymki pustych rekłamnyja ščytoŭ na biełaruskich aŭtatrasach) jakija jak by kažuć: bačycie, za rekłamnym mesidžam ničoha, adno pustata.
Akramia hałoŭnaj vystavy, u prajekt «Fiłasofija mas. Biełaruski niea-pop art» uvachodziać lekcyi, dyskusii, sustrečy z mastakami, prezientacyi, dadatkovyja vystavy i šerah inšych padziej:
13.11 — pakaz filmaŭ pra pop-art. Pačatak a 19-j.
15.11 — lekcyja «Skulptura: pop-art», lektar Pavieł Vajnicki, mastactvaznaŭca. Pačatak a 18-j.
17.11 — ekskursija pa ekspazicyi, pravodzić kulturołah Hanna Samarskaja. Pačatak a 17-j.
Cikava, što ŭ ramkach fiestyvalu adbudziecca ekskursii i lekcyi dla dziaciej. Siarhiej Šabochin kaža, što viadoma, pra pop-art dzieciam treba kazać nie tak, jak raspaviadajecca dzieciam, ale ŭ rasparadžeńni halerei daśviedčanyja ekskursavody, jaki vykładajuć u hullivym styli , a ich tłumačeńni zdolnyja asiahnuć rozumam i dzieci. Takim čynam: 14.11 (Pačatak a 14-j), 16.11 (pačatak a 16-j) i 17.11 (Pačatak a 15-j) - lekcyi dla dziaciej «Što takoje pop-art?».
Vystava i mierapryjemstvy, źviazanyja z nakirunkam pop-art, praciahnucca da 20 listapada. Padrabiaźniej pra raskład imprezaŭ vystavy: na sajcie mastackaj halerei Ŭ.
-
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia
-
U nastupnuju subotu ŭ Vilni projdzie Siamiejny biełaruska-litoŭski fest ź litscenaj
-
Dziaŭčyna stvaraje miłyja VIDEA ź biełaruskich haradoŭ u styli hulni The Sims
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary