Chrenin raskaža hubiernataram i abłasnym kamisaram, jak pravilna baranić harady i vioski
Siońnia pad kiraŭnictvam ministra abarony Viktara Chrenina adbudziecca štohadovy zbor «Vajennaja biaśpieka i abarona dziaržavy». Udzielniki zboru — staršyni abłasnych i Minskaha harvykankama, vajennyja kamisary abłaściej i Minska.
Meta zboru — pavyšeńnie ŭzroŭniu viedaŭ udzielnikaŭ u pytańniach sumiesnych dziejańniaŭ vojskaŭ u sučasnych uzbrojenych kanfliktach, udaskanaleńnie navykaŭ u dziejańniach sa zbrojaj, paviedamlaje Minabarony ŭ svaim telehram-kanale.
U chodzie zboru praduhledžana:
— davieści asnoŭnyja tendencyi raźvićcia vajenna-palityčnaha stanovišča vakoł Respubliki Biełaruś;
— aznajomić udzielnikaŭ z asnoŭnymi i pierśpiektyŭnymi srodkami kiravańnia i raźviedki, jakija stajać na ŭzbrajeńni Uzbrojenych sił i terytaryjalnych vojskaŭ;
— navučyć słužbovych asob paradku arhanizacyi i viadzieńnia abarony nasielenych punktaŭ z aporaj na padrychtavanyja ŭmacavanyja rajony, a taksama paradku kiravańnia siłami terytaryjalnaj abarony ŭ chodzie vykanańnia zadač pa vyjaŭleńni, błakavańni i źniščeńni dyviersijnych sił praciŭnika.
Milicyja vypadkova apublikavała VIDEA dla ŭnutranaha karystańnia — instrukcyju, jak treba pavodzić siabie z nasielnictvam1
Kamientary
Začiem vojennyje pišut na zaborach v/č, čto "lubimuju" nie otdatut svojemu narodu ???
Kak nie otdali hebieja i hubopik v 2022 hodu, otdav jejo na rastierzanije łukašu i Rośsii....