«Biełsat» zvolniŭ žurnalista, jakoha SK Rasii ličyć arhanizataram zabojstva Uładlena Tatarskaha
Žurnalista Ramana Papkova, jakoha Śledčy kamitet Rasii ličyć datyčnym da zabojstva «vajenkara» Uładlena Tatarskaha, zvolnili z vydańnia «Vot tak» nieŭzabavie paśla terakta ŭ Sankt-Pieciarburhu. Pra heta paviedamlaje RTVI sa spasyłkaj na namieśnika kiraŭnika telekanała «Biełsat» Alaksieja Dzikavickaha. «Vot tak» — prajekt polskaha telekanała «Biełsata», stvoranaha dla biełarusaŭ.
«Aktyvisty, jakija zajmajucca padtrymkaj palityčnych partyj, nie mohuć adnačasova być žurnalistami, prynamsi ŭ nas», — skazaŭ Dzikavicki.
Pavodle jaho słoŭ, palityčnaja partyja, da jakoj maje dačynieńnie Papkoŭ, — heta ruch byłoha deputata Dziarždumy Illi Panamarova «Sjezd narodnych dieputatov», jakoje ŭ Rasii abjavili «niepažadanaj» arhanizacyjaj.
RTVI adznačaje, što apošniaja publikacyja za aŭtarstvam Papkova na sajcie «Vot tak» była zroblenaja 3 krasavika — na nastupny dzień paśla terakta ŭ Pieciarburhu. U joj žurnalist admaŭlaje dačynieńnie da vybuchu i kaža, što kamunikavaŭ z abvinavačanaj u terakcie Darjaj Trepavaj vyklučna «pra žurnalisckija spravy».
«Zrazumieła, nijakich zahadaŭ zabivać Tatarskaha, nijakich znajomstvaŭ z ukrainskaj raźviedkaj — ničoha hetaha nie było», — kazaŭ Papkoŭ.
1 červienia MUS Rasii abjaviła Papkova ŭ vyšuk. Śledčy kamitet zavočna vystaviŭ abvinavačańnie Papkovu pa artykule ab arhanizacyi terakta. SK śćviardžaje, što jon «kiravaŭ» teraktam, u vyniku jakoha zahinuŭ Tatarski.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary
Inšaja sprava što mižnarodnych kanałaŭ dla Rasiei i tak chapaje - Nastojaŝieje vriemia, Euronews i FreeDom