U BDTU zładzili pakazalny sud nad dvuma studentami. Jašče 30 čakajuć čarhi
Pra čarhovy pakazalny sud va ŭniviersitecie raskazali ŭ siužecie BT. Studentaŭ zatrymlivaŭ KDB.
14 červienia ŭ Biełaruskim dziaržaŭnym technałahičnym univiersitecie prajšoŭ sud nad dvuma studentami — Maksimam Michničam i Daniłam Łukjanavym.
U siužecie pakazali kadry zatrymańnia adnaho ź ich: chłopca prymušajuć vyjści z padniatymi rukami i stać na kaleni. Na zatrymańnie, miarkujučy pa kadrach, vyjechali čaćviora ekipiravanych siłavikoŭ, u šlemach i broniekamizelkach (na formie adnaho ź ich bačny nadpis «KDB»).
Studentaŭ sudzili pa administracyjnym artykule 17.10 (Prapahanda ci publičny pakaz, vyrab, raspaŭsiud nacysckaj simvoliki i atrybutyki).
Chłopcy, pavodle siužeta, zihavali, kidali adzin adnamu stykiery z Hitleram i nacysckaj simvolikaj i žarty na temu ŭ čacie.
Abodvum dali pa 15 sutak i kanfiskavali telefony.
«Pra pieravod na druhi kurs daviadziecca, miarkujučy pa ŭsim, zabyć. Ciapier siesija — jany nie chodziać. Adličeńnie pahražaje aŭtamatyčna», — kaža prapahandystka Nastaśsia Bieniedziasiuk.
Aproč siońniašniaha suda, byŭ jašče adzin na minułym tydni. U siužecie kažuć, što źbirajucca asudzić jašče 30 čałaviek.
-
«Lepiej z hoładu zdochnu». Kavieryn i «Obyčnoje utro» zastalisia biez hrošaj, ale jon rady spynieńniu amierykanskaha finansavańnia. Voś čamu
-
«Na vajnie Maša była ščaślivaja. Lehijon byŭ jaje druhoj siamjoj». Siabra Maryi Zajcavaj, što zahinuła va Ukrainie, raskazaŭ pra jaje
-
«Usiudy pavucińnie, śmiećcie, brud!» Kiraŭnik Minlashasa aburyŭsia biesparadkam u Bresckim lashasie i choča adklikać ź piensii eks-dyrektara.
Kamientary