U Biełarusi jość ptuški, jakija ŭžo ciapier vypraŭlajucca ŭ vyraj
Ptuška pad nazvaj kulik-słučok vypraŭlajecca na miescy zimoŭki ŭžo ŭ kancy maja. Faktyčna hetyja kuliki prylatajuć da nas na miescy hniezdavańnia tolki na dva miesiacy, a bolšuju častku hoda pravodziać u Hrecyi i Izraili, pra heta piša telehram-kanał «Dzikaja pryroda pobač».
Spačatku pakidajuć Biełaruś samki, adrazu paśla vyłuplivańnia ptušaniat.
Admietnaja rysa kulika-słučka — čyrvona-aranžavyja doŭhija łapki, tamu pa-inšamu hetuju ptušku nazyvajuć «čyrvananožka». Dziuba ŭ hetaj strojnaj ptušački taksama aranžavaja, siaredniaj vieličyni i na končyku čornaja.
U Biełarusi hniazdujecca kala 50 000 par hetaha vidu. Dla hniezdavańnia jany abirajuć adkrytyja bałoty, tarfianiki, łuhi i pašy.
A voś inšyja vidy kulikoŭ jakraz naadvarot, tolki ciapier z Afryki i Zachodniaj Jeŭropy śpiašajucca na radzimu, u arktyčnuju tundru. Tam jašče śnieh i lod, ale pakul jany dalaciać, pavinny źjavicca prataliny, dzie možna zrabić hniazdo.
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin18
Kamientary