Da startu čempijanatu Jeŭropy pa futbole — 2024 zastałosia krychu mienš za hod, a z aficyjnym talismanam turniru arhanizatary ŭžo amal vyznačylisia. Zastałosia dapamahčy vybrać jamu imia.
Talisman addaje daninu pavahi papularnamu plušavamu miedźviedzianiaci, jakoje, jak kažuć, źjaviłasia ŭ Niamieččynie ŭ pačatku XX stahodździa. Jano spadziajecca natchnić 10 miljonaŭ dziaciej pa ŭsioj Jeŭropie na aktyŭnuju dziejnaść.
Zastałosia vybrać adnaho z čatyroch pretendentaŭ…
Albärt: maleńkaje miedźviedziania ź vialikimi idejami! Idealny siabar dla kožnaha futbolnaha zaŭziatara!
Bärnardo: niamiecki miadźviedź, stvorany dla suśvietnaj sceny! Hatovy da hulniavoha dnia!
Bärnheart: haryć žadańniem i hatoŭnaściu abjadnać suśvietnuju futbolnuju supolnaść u samym sercy Jeŭropy!
Herzi von Bär: maleńkaje miedźviedziania, u jakoha dobraje serca i jaki žyvie dziela lubovi da hulni!
Talisman budzie pradstaŭleny zaŭziataram zbornaj Niamieččyny hetym viečaram na arenie «Šalkie», dzie haspadary finału sustrenucca ŭ tavaryskim matčy z Kałumbijaj.
«Jak baćka, ja viedaju, jak važna stymulavać ujaŭleńnie dziaciej», — tłumačyć eks-zorka zbornaj Niamieččyny Filip Łam — dyrektar Jeŭra-2024. «Z zapuskam našaha talismana turniru my spadziajomsia stvaryć viasiołaha i simpatyčnaha piersanaža, jaki natchnić usich atrymlivać zadavalnieńnie ad hulni ŭ futboł», — kaža futbalist.
Nahadajem, što zbornaja Biełarusi ŭ adboračnym turniry trapiła ŭ adnu hrupu sa Šviejcaryjaj, Rumynijaj, Izrailem, Kosavam i Andoraj. Pieršyja try matčy biełarusy prajhrali (sa Šviejcaryjaj — 0:5, z Rumynijaj — 1:2, ź Izrailem — 1:2), a ŭčora naša kamanda vyjhrała ŭ Kosava — 2:1).
Jeŭra-2024 projdzie z 14 červienia pa 14 lipienia 2024 hoda.
Kamientary