Ułady Litvy papiaredzili svaich hramadzian pra aktyvizacyju na miažy łukašenkaŭskich śpiecsłužbaŭ
Biełaruskija śpiecsłužby aktyŭna dapytvajuć hramadzian Litvy, jakija jeduć u Biełaruś, na pamiežnych pierachodach, praviarajučy ich kampjutary i mabilnyja telefony, a taksama kantakty, akaŭnty ŭ sacyjalnych sietkach, fatahrafii i kartahrafičnyja maršruty, jak papiaredziŭ Departamient dziaržaŭnaj biaśpieki Litvy.
Jak adznačyli ŭ viedamstvie, śpiecsłužby Łukašenki źbirajuć infarmacyju pra palityčnuju prynaležnaść i miesca pracy litoŭskich hramadzian, a taksama sprabujuć znajści suviazi z pamiežnikami, pravaachoŭnikami i vyviednikami, jak paviedamlaje LRT.
Departamientu viadoma pra vypadki, kali hramadzianam Litvy zabaraniali ŭjezd u Biełaruś paśla taho, jak vyjaŭlałasia, što jany padtrymlivajuć Ukrainu i asudžajuć rasijskuju ahresiju. Adznačajecca, što hramadzian Litvy padčas dopytaŭ padviarhali šantažu i psichałahičnamu cisku, śćviardžajučy, što zabarona na ŭjezd u Biełaruś budzie źniataja, kali jany pahodziacca supracoŭničać z łukašenkaŭskimi śpiecsłužbami.
U Departamiencie papiaredžvajuć, što śpiecsłužby mohuć vykarystoŭvać infarmacyju z asabistych kampjutaraŭ i mabilnych pryład nie tolki suprać uładalnika, ale i suprać jaho siamiejnikaŭ, svajakoŭ abo kaleh z metaj ich kampramietacyi i viarboŭki, asabliva kali jany naviedvajuć Biełaruś ci Rasiju.
Usich hramadzian, jakich dapytvali na litoŭska-biełaruskaj miažy abo praviarali ich mabilnyja telefony/kampjutary śpiecsłužby režymu Łukašenki, zaklikali paviedamić pra heta MZS Litvy. Departamient taksama zaklikaje nie naviedvać Rasiju i Biełaruś.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary