Advakatku Jurhilevič pryvieźli ŭ sud u robie z nadpisam «Karcar №2»
U Hrodnie pačali sudzić advakatku Juliju Jurhilevič i žurnalista Paŭła Mažejku.
Advakatku Juliju Jurhilevič pryviali ŭ sud u robie z nadpisam «Karcar №2».
Ich vinavaciać pavodle č. 2 art. 361-4 KK za inšaje sadziejničańnie ekstremisckaj dziejnaści, učynienaje paŭtorna, hrupaj asob pa papiaredniaj zmovie. Spravu ŭ Hrodzienskim abłasnym sudzie razhladaje rekardsmien pa palityčnych prysudach sudździa Maksim Fiłataŭ, jaki daŭ Vitoldu Ašurku piać hadoŭ kałonii.
Paŭła Mažejku i Juliju Jurhilevič zatrymali 30 žniŭnia 2022 hoda, pryčym Paŭła paśla taho, jak jon čarhovy raz viarnuŭsia z Polščy.
Julija Jurhilevič pracavała advakatam amal 18 hadoŭ. Jana abaraniała ŭ sudzie palitviaźniaŭ Alesia Puškina, Arcioma Bajarskaha, Ihara Bancara, Andreja Aŭsijeviča, Andreja Sakałoŭskaha.
23 lutaha 2022 hoda jaje vyklučyli sa składu Hrodzienskaj abłasnoj kalehii advakataŭ za «sistematyčnyja parušeńni zakanadaŭstva». Žančyna ŭtrymlivajecca pad vartaj užo bolš za dziesiać miesiacaŭ.
Jak piša BiełTA, zhodna z materyjałami spravy, Pavieł Mažejka, «dziejničajučy hrupaj asob pa papiaredniaj zmovie ź Julijaj Jurhilevič», ź lutaha pa sakavik 2022 hoda pieradaŭ dla raźmiaščeńnia na sajcie «Biełsata» infarmacyju ad Julii Jurhilevič ab pazbaŭleńni jaje licenzii advakata i vyklučeńni z Hrodzienskaj abłasnoj kalehii advakataŭ i ab razhladzie Minskim haradskim sudom kryminalnaj spravy ŭ dačynieńni da Alesia Puškina i pryznačeńni jamu pakarańnia.
Tym samym, pavodle abvinavačańnia, Julija Jurhilevič i Pavieł Mažejka «hrupaj asob pa papiaredniaj zmovie akazali inšaje sadziejničańnie ekstremisckaj dziejnaści, jakoje zahadzia nakiravana na płanavańnie, arhanizacyju, padrychtoŭku i ździajśnieńnie zamachaŭ na asnovy kanstytucyjnaha ładu i hramadskuju biaśpieku Respubliki Biełaruś, dyskredytacyju orhanaŭ dziaržaŭnaj ułady <> šlacham raspaŭsiudžvańnia ŭ hetych metach zaviedama falšyvych źviestak».
Pasiadžeńnie prachodzić u adkrytym režymie.
Padtrymajcie Paŭła i Juliju: Turma № 1, 230023, Hrodna, Kirava, 1, Pavieł Ivanavič Mažejka, Julija Piatroŭna Jurhilevič.
Ciapier čytajuć
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam5
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym77
Kamientary
Srazu associacii, čto vsie dołžny chodiť strojem i imieť odno mnienije.