Ukraina moža bajkatavać čempijanat śvietu pa plažnym futbole praz udzieł u im zbornaj Biełarusi
9 lipienia zbornaja Biełarusi pa plažnym futbole zavajavała pucioŭku ŭ finalnuju častku čempijanatu śvietu pa hetym vidzie sportu. Ale va Ukrainie hetamu faktu prahnazavana nie ŭzradavalisia, a jakraz naadvarot. Pastaŭlena pytańnie ab tym, što ŭ vypadku dopusku biełarusaŭ da ŭdziełu ŭ čempijanacie ŭkraincy na jaho nie pajeduć.
«Budziem razhladać hetaje pytańnie, budziem raicca. Heta balučaje pytańnie, ale my staim na svaim. Kali my budziem udzielničać u spabornictvach, dzie jość biełarusy i rasijanie, my pryznajem, što jany mohuć być u spartyŭnym śviecie pobač z narmalnymi ludźmi», — zajaviŭ ministr moładzi i sportu Ukrainy Vadzim Hutcajt.
Trenier zbornaj Ukrainy pa plažnym futbole Mikałaj Kaścienka ličyć, što «Biełaruś uvohule nielha było dapuskać».
«Pazicyja maja asabistaja jak treniera, a taksama trenierskaha korpusa i kamandy: my kateharyčna suprać taho, kab biełaruskija i rasijskija spartsmieny brali ŭdzieł u lubych spabornictvach», — zaznačyŭ Kaścienka.
Čempijanat śvietu pa plažnym futbole maje prajści ŭ Abjadnanych Arabskich Emiratach z 15 pa 25 lutaha 2024 hoda.
Mižnarodny alimpijski kamitet nie zaprosić Biełaruś i Rasiju na Alimpijadu-2024 va ŭstanoŭlenuju datu 26 lipienia
«Razrucha i kryzis nijak nie źviazanyja z sankcyjami». Što nie tak ź listom Uładzimira Kanaplova da kiraŭnika suśvietnaha handboła
Piakielny tryp biełaruskich futbalistaŭ pa Jeŭropie: 1600 kiłamietraŭ za dvoje sutak u aŭtobusie
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki11
Kamientary