Украіна можа байкатаваць чэмпіянат свету па пляжным футболе праз удзел у ім зборнай Беларусі
9 ліпеня зборная Беларусі па пляжным футболе заваявала пуцёўку ў фінальную частку чэмпіянату свету па гэтым відзе спорту. Але ва Украіне гэтаму факту прагназавана не ўзрадаваліся, а якраз наадварот. Пастаўлена пытанне аб тым, што ў выпадку допуску беларусаў да ўдзелу ў чэмпіянаце ўкраінцы на яго не паедуць.
«Будзем разглядаць гэтае пытанне, будзем раіцца. Гэта балючае пытанне, але мы стаім на сваім. Калі мы будзем удзельнічаць у спаборніцтвах, дзе ёсць беларусы і расіяне, мы прызнаем, што яны могуць быць у спартыўным свеце побач з нармальнымі людзьмі», — заявіў міністр моладзі і спорту Украіны Вадзім Гутцайт.
Трэнер зборнай Украіны па пляжным футболе Мікалай Касценка лічыць, што «Беларусь увогуле нельга было дапускаць».
«Пазіцыя мая асабістая як трэнера, а таксама трэнерскага корпуса і каманды: мы катэгарычна супраць таго, каб беларускія і расійскія спартсмены бралі ўдзел у любых спаборніцтвах», — зазначыў Касценка.
Чэмпіянат свету па пляжным футболе мае прайсці ў Аб'яднаных Арабскіх Эміратах з 15 па 25 лютага 2024 года.
Міжнародны алімпійскі камітэт не запросіць Беларусь і Расію на Алімпіяду-2024 ва ўстаноўленую дату 26 ліпеня
«Разруха і крызіс ніяк не звязаныя з санкцыямі». Што не так з лістом Уладзіміра Канаплёва да кіраўніка сусветнага гандбола
Пякельны трып беларускіх футбалістаў па Еўропе: 1600 кіламетраў за двое сутак у аўтобусе
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары