Kampanija OceanGate, jakaja vałodała batyskafam «Tytan», vydaliła akaŭnty va ŭsich sacsietkach
Na sajcie kampanii raniej było raźmieščana paviedamleńnie, što jana prypyniła daśledčuju i kamiercyjnuju dziejnaść.
Da apošniaha času ŭ OceanGate Expeditions byli akaŭnty ŭ fejsbuku i instahramie, tvitary i linkiedzinie. U piatnicu dostup da ich źnik.
Na sajcie kampanii raniej było raźmieščana paviedamleńnie, što jana prypyniła daśledčuju i kamiercyjnuju dziejnaść.
Niaščaście z padvodnaj łodkaj «Tytan», jakaja apuskałasia ź piaćciu turystami da zatanułaha ŭ Atłantyčnym akijanie «Tytanika», zdaryłasia 19 červienia. Kampanija Oceanwide Expeditions paviedamiła, što straciła suviaź z aparatam. Praz try dni paŭnočna-ŭschodniaje padraździaleńnie Bierahavoj achovy ZŠA vyjaviła abłomki aparata. Usie pasažyry «Tytana» zahinuli.
Abłomki batyskafa i mahčymyja čałaviečyja pareštki spačatku byli padniatyja na bort sudna Horizon Arctic, a zatym dastaŭlenyja ŭ port Sient-Džonsa (pravincyja Ńjufaŭndlend i Łabrador).
Kiraŭnik kamisii pa rasśledavańni incydentu Džejsan Ńjubaŭer skazaŭ, što «nieabchodna jašče pravieści značnuju pracu dla razumieńnia tych faktaraŭ, jakija pryviali da trahičnaj hibieli «Tytana», kab padobnyja situacyi nie adbyvalisia nadalej».
22 červienia znajšli pieršyja abłomki batyskafa, ekipaž pryznali zahinułym.
Na borcie «Tytana» znachodzilisia brytanski biznesmien Chemiš Chardynh, biznesmien z Pakistana Šachzada Davud i jaho 19-hadovy syn, a taksama zasnavalnik kampanii OceanGate Stoktan Raš i francuzski daśledčyk Pol-Anry Naržale.
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary