Zarezali doma, u kabiniecie. U Prydniastroŭi zabity lidar miascovaj Kamunistyčnaj partyi
Lidar Kampartyi Prydniastroŭja 47-hadovy Aleh Charžan znojdzieny miortvym va ŭłasnym domie.
U siale Sukleja ŭ Prydniastroŭi znojdzieny miortvym były deputat parłamienta niepryznanaj respubliki i lidar Prydniastroŭskaj Kamunistyčnaj partyi Aleh Charžan. Pra heta paviedamlaje MUS Prydniastroŭja.
U viedamstvie zajavili, što na ciele Charžana jość prykmiety hvałtoŭnaj śmierci. Charžana znajšła miortvym žonka ŭ adnym z pakojaŭ ich doma, pobač z adkrytym siejfam. «Siejf pusty», — zajavili ŭ MUS.
— Heta adbyłosia minułaj nočču, — raspavioŭ «KP» u Małdovie lidar «Hramadzianskaha kanhresa» Mark Tkačuk. — Aleha Charžana zabili ŭ jaho kabiniecie, zarezali… Padazravanych pakul nie zatrymali…
— Aleh Charžan žyŭ praktyčna adzin, — skazali «KP» u Małdovie ŭ asiarodździ zabitaha Charžana. — Časam na vychadnyja ŭ chacie zastavaŭsia jaho 14-hadovy syn, na hetyja vychadnyja jon nie pryjechaŭ. Aleh nie adkazvaŭ siońnia ranicaj na zvanki, paśla źniavoleńnia ŭ jaho prablemy sa zdaroŭjem. Pryjšli da jaho dadomu, a tam… Mnostva nažavych ranieńniaŭ…
Jak piša «Politika strany», Charžan byŭ viadomy svajoj padtrymkaj Rasii. Nieadnarazova siadzieŭ u turmie. Apošni raz vyjšaŭ na volu ŭ śniežni 2022 hoda.
Padazravanych pakul nie znajšli.
Kamientary