Ilja Dabratvor vyrašyŭ pakul nie viartacca ŭ Biełaruś i pryvioŭ prykład Vasila Bykava
Hramadski aktyvist i ŭ minułym supracoŭnik prarasijskaha resursu «Politrinh» Ilja Dabratvor, jaki ŭžo niekalki hadoŭ tamu źjechaŭ u Polšču, paŭtara tydnia tamu ŭsich ździviŭ zajavaj, što źbirajecca viarnucca ŭ Biełaruś pad harantyi Juryja Vaskrasienskaha. Vyjezd mieŭ adbycca ŭ minuły paniadziełak, ale da siońnia tak i nie było viadoma, navažyŭsia Dabratvor na heta ci nie. Ciapier situacyja prajaśniłasia.
Siońnia na staroncy kolišniaha aktyvista ŭ fejsbuku źjaviŭsia «Post pra viartańnie», ź jakoha stała zrazumieła, što jahonyja płany źmianilisia. Pierš čym pierajści da sutnaści spravy, Dabratvor daŭ razhornutaje tłumačeńnie taho, što takoje, na jahonuju dumku, «ciažka»:
«Ciažka sapraŭdnamu patryjotu svajoj krainy znachodzicca za jaje miežami.
Ciažka, kali na radzimie było ŭsio, a tut ničoha.
Ciažka ŭ 40+ hadoŭ pačynać usio z nula.
Ciažka čytać kamientary / słovy ludziej, jakija nibyta pazicyjanujuć siabie prychilnikami demakratyi, ale na samaj spravie imi nie źjaŭlajucca.
Ciažka być na voli, kali najlepšyja ludzi krainy i tvaje siabry ŭ turmie.
Ciažka razumieć, što adna dyktatura ani nie lepšaja za inšuju.
Ciažka šmat hadoŭ vieryć u ludziej, dapamahać im i stracić hetuju vieru.
Ciažka stračvać lubimych ludziej, navat kali ŭ fizičnym sensie jany žyvyja.
Ciažka pryniać situacyju adzinoty, pryniać, što zaraz ty da kanca žyćcia budzieš adzin.
Ciažka być «vidam, jaki vymiraje», jak na Uschodzie, tak i na Zachadzie.
Ciažka i baluča čytać i hladzieć lubuju prapahandu.
Ciažka pryniać, što ŭsio svajo śviadomaje žyćcio ty prosta p..ŭ.
Ciažka pryniać, što rodnyja ludzi, jakija pamierli, mieli racyju, ale ty ich nie słuchaŭ i spračaŭsia ź imi.
Ciažka być addanym.
Ciažka, ale treba».
Paśla taho Ilja Dabratvor vykłaŭ, dzie jon ciapier znachodzicca i što, ułasna kažučy, sa spravaj jahonaha viartańnia.
Pavodle Dabratvora, jon vielmi chacieŭ by viarnucca ŭ Biełaruś, ale, «mabyć, nie ciapier. A moža, užo nikoli».
Aktyvist śćviardžaje, što ad pačatku nie vieryŭ u dadzienyja jamu harantyi, ale jamu było cikava, u jaki momant papiarednija abiacańni pačnuć mianiacca. I nibyta tak zrabiłasia paśla pasta, u jakim jon zajaviŭ pra namier viarnucca ŭ paniadziełak.
Maŭlaŭ, prašeńnie ŭ kamisiju pa viartańni, jakoje jon nibyta nie pavinien byŭ padavać, ciapier užo stała abaviazkovym.
A taksama
«niečakana źjaviłasia zabarona na vyjezd ź ES i prosta ŭzmocnienaja ŭvaha palicyi i śpiecsłužbaŭ da majoj ścipłaj piersony (choć raniej takoha nie było)».
U kancy pasta Dabratvor daŭ adkaz kamientataram, jakija jaho krytykavali:
«Ja prosta pryviadu prykład Vasila Bykava, jaki znachodziŭsia ŭ svoj čas u vymušanaj emihracyi. Vielmi raju pačytać pra hety pieryjad. Viadoma, usio budzie dobra, tolki niezrazumieła ŭ kaho i kali».
Čytajcie taksama:
Čamu biełarusy jeduć na Radzimu, kali heta dla ich moža być niebiaśpiečna
Mužčynu, jaki viarnuŭsia z Polščy, buduć sudzić pa čatyroch kryminalnych artykułach
Kibierpartyzany raspaviali, kolki čałaviek źviarnulisia ŭ kamisiju pa viartańni
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary