Kibierpartyzany raspaviali, kolki čałaviek źviarnulisia ŭ kamisiju pa viartańni
Jak śćviardžajuć kibierpartyzany, za 5 miesiacaŭ pracy łukašenkaŭskaj «kamisii pa viartańni» ŭ RB svaje dakumienty dasłali 16 čałaviek.
Šaściora z tych, chto źviarnuŭsia — «macioryja kryminalniki, jakija prachodzili pa artykułach, nie źviazanych z palitykaj», śćviardžajuć kibierpartyzany z telehram-kanała.
![](http://nnexpictures.fra1.digitaloceanspaces.com/img/w732d4webp1/photos/z_2023_07/1-ls4zz.jpg.webp)
Z 16 zajavak uchvalili tolki dźvie — ad maci Ramana Pratasieviča i Filipa Davydava, jakoha pakazali prapahandysty na BT.
Bolšaja častka zajavak, pavodle kibierpartyzanaŭ, «nie adpaviadaje patrabavańniam», bo napisanaja ludźmi, jakija nie ŭdzielničali ŭ pratestach, nie padali dastatkova źviestak abo nie napisali, što raskajvajucca.
![](http://nnexpictures.fra1.digitaloceanspaces.com/img/w732d4webp1/photos/z_2023_07/2-ubwld.jpg.webp)
«Nam navat nie daviałosia ŭzłomvać bazu «kamisii», kab atrymać hetyja źviestki. Režym jak zvyčajna nie sočyć za ŭciečkami, bo jamu naplavać na hramadzian i ich asabistuju infarmacyju», — dadali kibierpartyzany.
U mai hienieralny prakuror Andrej Švied zajaŭlaŭ, što ŭ kamisiju pa viartańni pastupiła bolš za 70 zvarotaŭ.
Kamientary