Stała viadoma, što buduć pracavać navučalna-bajavyja centry Biełarusi i Rasii
Vučebna-bajavyja centry stvarajucca na padstavie sumiesnych rašeńniaŭ abaronnych viedamstvaŭ dźviuch krain, baki buduć zaćviardžać imiannyja śpisy tych, chto budzie nakiravany na navučańnie ŭ hetyja centry.
Navučalna-bajavyja centry sumiesnaj padrychtoŭki vajskoŭcaŭ Biełarusi i Rasii płanujuć sfarmiravać praktyčna dla ŭsich vidaŭ vojskaŭ, zapracujuć jany na bazie ŭžo dziejnych vajskovych čaściej, paviedamiŭ kiraŭnik druhoha departamienta krain SND rasijskaha źniešniepalityčnaha viedamstva Alaksiej Pališčuk, jak piša «Sputnik».
Pavodle jaho infarmacyi, na hety momant realizujecca płan sumiesnych mierapryjemstvaŭ pa harantavańni vajennaj biaśpieki Sajuznaj dziaržavy. Akramia taho, funkcyjanuje sumiesnaja rehijanalnaja hrupoŭka vojskaŭ, a na terytoryi dźviuch krain rehularna pravodziacca maštabnyja sumiesnyja vučeńni, dadaŭ jon.
Pališčuk taksama padzialiŭsia infarmacyjaj, što stvarać takija centry miarkujecca praktyčna dla ŭsich vidaŭ vojskaŭ. Zhodna z płanami, pracavać jany buduć na bazie vajskovych čaściej jak na terytoryi Rasii, tak i Biełarusi, rastłumačyŭ pradstaŭnik profilnaha viedamstva.
Jak tłumačyŭ raniej ministr abarony Viktar Chrenin zadačami vučebna-bajavych centraŭ buduć sumiesnaja bajavaja padrychtoŭka, dziažurstva (bajavoje, dośledna-bajavoje), abmien dośviedam vykarystańnia dziejnych uzoraŭ uzbrajeńniaŭ, śpiectechniki, a taksama navučańnie pracy na hetych uzorach uzbrajeńniaŭ.
Ciapier čytajuć
Daškievič raskazaŭ, jak trapiŭ za kratami ŭ nizki status i napisaŭ prašeńnie ab pamiłavańni3
Kamientary