Palitźniavolenuju Alenu Hnaŭk pieraviali ŭ žanočuju kałoniju ŭ Zareččy
Stała viadoma, što niadaŭna pružanskuju piensijanierku Alenu Hnaŭk pieraviali ŭ žanočuju kałoniju № 24 u Zareččy. U hetaj kałonii ŭtrymlivajucca jašče Viktoryja Kulša i Palina Šarenda-Panasiuk, na jakich uvieś čas žorstka ciśnie administracyja, paviedamlaje «Viasna».
28 krasavika ŭ Čyhunačnym rajonie Homiela abviaścili prysud pa ŭžo treciaj kryminalnaj spravie suprać pružanskaj aktyvistki — 1 hod pazbaŭleńnia voli. Kančatkovy termin pakarańnia dla jaje składaje 2 hady i 11 miesiacaŭ źniavoleńnia.
Hetym razam Alenu Hnaŭk abvinavačvali pavodle art. 411 KK za «złosnaje niepadparadkavańnie patrabavańniam administracyi papraŭčaj kałonii». Viadoma, što ŭ žanočaj kałonii jaje časta adpraŭlali ŭ ŠIZA, a taksama źmiaščali na niekalki miesiacaŭ u PKT.
Uvohule z 2020 hoda Alenu Hnaŭk metanakiravana pieraśledavali: zatrymlivali i aryštoŭvali pa administracyjnych artykułach 17 razoŭ, aštrafavali ahułam na 173 bazavyja vieličyni, doma pravodzili pieratrusy, asudzili pa «spravie karahodaŭ» i za abrazu Łukašenki pavodle kryminalnych artykułaŭ. Pad vartaj žančyna znachodzicca z pačatku 2022 hoda.
«Za mianie nie pieražyvajcie, ja nikoha nie zabiła i ničoha nie ŭkrała». Piensijanierku buduć sudzić pavodle piaci kryminalnych artykułaŭ za kamientary
HUBAZiK zatrymaŭ biełarusa — jaho prymusili vysmarkacca ŭ bieł-čyrvona-bieły ściah i ściah ZŠA
Palitviaźnia-emihranta sprabavali zavierbavać. Voś jak da jaho padstupalisia
Słova «Unavatuna» značyć «raj». Dzie na Šry-Łancy adpačyvała Mielnikava13
Kamientary