Biełarus zrabiŭ prapanovu dziaŭčynie padčas skačka z parašutam
Pavieł Bora — źniešni videaapieratar minskaha aerakłuba. Jon zdymaje na kamieru emocyi padčas skačkoŭ, sam znachodziačysia ŭ palocie. A jahonaja niaviesta Maryna — čempijonka Biełarusi pa skačkach z parašutam na dakładnaść. Na rachunku abaich bolš za 500 skačkoŭ z parašutam. Tak što hałoŭnaje pytańnie małady čałaviek taksama vyrašyŭ zadać u pavietry, piša «Anłajnier».
Simvalična, što para paznajomiłasia ŭ Mižnarodny dzień parašutysta — 26 lipienia, try hady tamu. I prapanovu Pavieł vyrašyŭ zrabić u hadavinu znajomstva. Da dnia Ch pačaŭ rychtavacca hruntoŭna — za paŭhoda.
«U nas u Biełarusi skački prachodziać z čaćviarha pa niadzielu. A 26 lipienia vypała na sieradu, na žal. Tamu my śpiecyjalna pajechali ŭ Razanskuju vobłaść, dzie možna skakać kožny dzień. Akramia taho, tam skački iduć z vyšyni 4 km (u nas u asnoŭnym z 3 km), a mnie jakraz treba było bolš času padrychtavacca.
Ja zaŭsiody maryŭ zrabić prapanovu ŭ volnym padzieńni. Mnohija kažuć, što heta nierealna, piarścionak abaviazkova vypadzie. Ale ja byŭ upeŭnieny, što ŭsio mahčyma. Choć ja sapraŭdy chvalavaŭsia, što moh zhubić piarścionak u pavietry.
Siabar žanicha raspracavaŭ i nadrukavaŭ na 3D-pryntary śpiecyjalnaje macavańnie piarścionka na ruku, kab jano nikudy nie palacieła. Pry hetym zachoŭvałasia mahčymaść nadzieć jaho na palec prosta ŭ pavietry.
Ździŭlenaja i rasčulenaja niaviesta adrazu ž kiŭnuła: «Tak!»
Pavieł adznačyŭ, što zrabiŭ prapanovu ŭ volnym padzieńni na chutkaści 200 km/h — pakul jon taki adziny siarod biełarusaŭ.
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ4
Kamientary