Hetaja halina za nastupnyja dziesiać hadoŭ napałovu pavialičyć svoj układ u suśvietnuju ekanomiku. Što za jana?
Pa źviestkach Suśvietnaj rady pa padarožžach i turyźmie, hetaja halina da 2033 hoda pavinna stać industryjaj z abarotam u 15,5 trłn dalaraŭ, što na 50% bolš za pakazčyk 2019 hoda. Kolkaść zaniatych joj składzie 430 miljonaŭ čałaviek. Pry hetym čakajecca źmiena suśvietnaha lidara.
Suśvietnaja rada pa padarožžach i turyźmie (WTTC) padrychtavała 10-hadovy prahnoz raźvićcia haliny.
Jak piša Bloomberg, u spravazdačy analizujecca ekanamičny ŭkład asnoŭnych suśvietnych turystyčnych rynkaŭ i nazyvajecca piaciorka samych mahutnych ekanomik u halinie padarožžaŭ i turyzmu stanam na 2022 hod z punkta hledžańnia ŭkładu ŭ VUP.
Jany zastalisia takimi ž, jak i da 2019 hoda: ZŠA, Kitaj, Hiermanija, Vialikabrytanija i Japonija, pryčym Japonija za try hady abahnała Vialikabrytaniju.
U dziasiatku taksama ŭvajšli Francyja, Mieksika, Italija, Indyja i Ispanija.
U spravazdaču taksama ŭklučanyja danyja ab układzie haliny padarožžaŭ i turyzmu ŭ rynak pracy: u cełym da 2033-ha ŭ halinie budzie zaniata da 430 miljonaŭ čałaviek u paraŭnańni z 334 miljonami ŭ 2019 hodzie.
Heta składaje prykładna kožnaje dziaviataje pracoŭnaje miesca ŭ śviecie. Tolki ŭ ZŠA da 2033 hoda ŭ halinie padarožžaŭ i turyzmu budzie pracavać 21 miljon čałaviek, abo kožny vośmy pa ŭsioj krainie.
Ekanamisty zaŭvažajuć, što halina padarožžaŭ i turyzmu raście našmat chutčej, čym ekanomika ŭ cełym.
Kali čakany rost suśvietnaha VUP prahnazujecca prykładna na ŭzroŭni 2,6% na hod, to ŭ hetaj halinie — 5,1%.
Śpiecyjalisty taksama prahnazujuć i źmienu lidara haliny. Kali zaraz heta ZŠA z hadavym abjomam vytvorčaści ŭ 2 tryljony dołaraŭ, to praź dziesiać hadoŭ im stanie Kitaj.
Prahnazujecca, što ŭ 2033 hodzie turystyčny siektar Kitaja pryniasie 4 tryljony dołaraŭ i składzie 14,1% kitajskaj ekanomiki.
A voś u ZŠA hetyja ličby buduć bolš ścipłymi — 3 tryljony dołaraŭ i 10,1% ekanomiki. Hetyja pakazčyki adlustroŭvajuć jak sumu, jakuju zamiežnyja naviedvalniki traciać unutry krainy, tak i toje, kolki hramadzianie kožnaj krainy vydatkoŭvajuć na svaje pajezdki za miažu.
Akramia taho, da 2033 hoda dola Kitaja ŭ suśvietnych vydatkach na vyjaznyja padarožžy dasiahnie 22,3%.
Čytajcie jašče:
Kitaj dazvoliŭ svaim hramadzianam jeździć u Biełaruś hrupami
«Nie spadabajecca — nazad pajedu»: palitźniavoleny pamočnik prakurora Babak z‘javiŭsia ŭ sacsietkach FOTA5
Kamientary