Inšaj prablemaj nacyjanalnaha maštabu stała vysokaje zachvorvańnie na hipatyrejoz.
U Biełarusi pavialičvajecca kolkaść vypadkaŭ raku ščytapadobnaj załozy siarod darosłaha nasielnictva, paviedamiła prafiesar kafiedry endakrynałohii Biełaruskaj miedycynskaj akademii paśladypłomnaj adukacyi (BiełMAPA) Valancina Drozd na mižnarodnaj navukova-praktyčnaj kanfierencyi "Rańniaja dyjahnostyka, lačeńnie i reabilitacyja pacyjentaŭ z rakam ščytapadobnaj załozy" ŭ Minsku 4 śniežnia.
Jana zaznačyła, što kali kolkaść vypadkaŭ raku ščytapadobnaj załozy siarod dziaciej stabilnaja, to siarod darosłych pastajanna pavialičvajecca. U 2008 hodzie ŭ Biełarusi była zarehistravanaja 1.000 vypadkaŭ raku ščytapadobnaj załozy. Miž tym jašče ŭ 1992 hodzie hetaje zachvorvańnie było vyjaŭlena ŭ 400 čałaviek. Pavodle słoŭ Drozd, vysoki ŭzrovień zachvorvańnia pryviadzie da taho, što sistema achovy zdaroŭja sutykniecca ŭ najbližejšyja hady ź vialikim abjomam pracy pa lačeńni raku ščytapadobnaj załozy.
Prafiesar kafiedry endakrynałohii BiełMAPA paviedamiła, što dla žycharoŭ Biełarusi źjaŭlajecca taksama prablemaj vysokaje zachvorvańnie na hipatyrejoz. Heta kliničny sindrom, abumoŭleny praciahłym stojkim niedachopam harmonaŭ ščytapadobnaj załozy ŭ arhaniźmie. Za apošnija 10 hadoŭ u padletkaŭ i dziaciej zachvorvańnie pavialičyłasia ŭ 10 razoŭ, skazała Drozd. Siarod darosłych zachvorvańnie ŭzrasło z 11,7 vypadku na 100 tys. nasielnictva ŭ 1998 hodzie da 37, 9 vypadku na 100 tys. nasielnictva ŭ 2008 hodzie.
Śpiecyjalist paviedamiła, što hrupa pa vyvučeńni zachvorvańniaŭ ščytapadobnaj załozy BiełMAPA pry padtrymcy Jeŭrasajuza praviała ŭ Stolinskim rajonie Bresckaj vobłaści daśledavańnie siarod 768 maładych ludziej, jakich nazirali na praciahu 20 hadoŭ. Vučonyja vyjavili, što ŭ tych, chto byŭ apramienieny ŭjenutryvantrobna, u dva razy čaściej sustrakajecca funkcyjanalnaja niedastatkovaść ščytapadobnaj załozy, čym u astatnich. Asabliva paciarpieli dzieci, maci jakich pry apramieńvańni znachodzilisia na samych rańnich terminach ciažarnaści.
Drozd miarkuje, što hetyja daśledavańni majuć patrebu ŭ dadatkovym vyvučeńni. Raniej aceńvaŭsia pakazčyk pavieličeńnia ščytapadobnaj załozy, ale nie vyvučalisia vypadki jaje źmianšeńnia. Prafiesar vykazała dumku, što nieabchodna vyvučyć pryčyny pavieličeńnia kolkaści vypadkaŭ hipatyrejozu i jaho suviazi z apramieńvańniem. Pry hetym, pavodle jaje słoŭ, asablivuju ŭvahu treba źviarnuć na dziaciej, jakija atrymali dozu radyjacyjnaha apramieńvańnia ŭ 1986 hodzie ŭ vyniku avaryi na ČAES. Takoje daśledavańnie moža prajści ŭ miežach sumiesnaha prajekta Jeŭrapiejskaha sajuza i Prahramy raźvićcia AAN (PRAAN) "Stvareńnie ŭ Biełarusi Mižnarodnaha navukova-praktyčnaha centra zachvorvańniaŭ ščytapadobnaj załozy".
Kamientary