«Buduć hubierni». U centry Hrodna prajšoŭ mitynh suprać niezaležnaści Biełarusi i za «adnu dziaržavu»
U Hrodnie ŭ piatnicu, 25 žniŭnia, prajšoŭ mitynh, udzielniki jakoha vystupili suprać niezaležnaści Biełarusi i za pašyreńnie Sajuznaj dziaržavy i viartańnie SSSR. Mitynhoŭcy sabralisia ŭ parku Žylibiera z nahody 32-hodździa z dnia abviaščeńnia niezaležnaści Biełarusi, piša supołka «Za Refierendum!», jak zaŭvažyła vydańnie «Blizka».
Na videa — čatyry čałavieki, jakija sabralisia na mitynhu, — imavierna, aktyvisty rasijskaha Nacyjanalna-vyzvalenčaha ruchu (NOD — rasijskaja abrevijatura), u hrupie jakoha i apublikavali videa. Hetaja arhanizacyja vystupaje za pašyreńnie Rasii da miež SSSR 1945 hoda.
Mitynhoŭcy pryjšli ź simvolikaj NOD i SSSR. A adna aktyvistka pryniesła dziaržaŭny ściah Biełarusi i trymała jaho pieraviernutym. Raspad SSSR jany ličać vynikam złačynstva.
«Roŭna 32 hady [prajšło], jak likvidavali našu Ajčynu. I my siońnia vyjšli skazać, što Ajčyna była likvidavanaja. Što złačyncy, takija, jak [staršynia Viarchoŭnaha Savieta Biełarusi Stanisłaŭ] Šuškievič i inšyja, jakija ŭdzielničali ŭ hetaj likvidacyi. [Prezident SSSR Michaił] Harbačoŭ voś hetuju elitu sieparatysckuju vyhadavaŭ — i jany vykanali hetuju zadaču», — zajaviŭ u videatranślacyi adzin z aktyvistaŭ.
Jon nazvaŭ «likvidacyju SSSR» złačynstvam i ad imia mitynhoŭcaŭ zapatrabavaŭ zavieści za heta kryminalnuju spravu. Taksama mužčyna abaznačyŭ metu aktyvistaŭ.
«My nie adychodzim — staim na ćviordym ideałahičnym šlachu.
Heta adzinaja Ajčyna, adzinaja terytoryja. Potym, kali my pieramožam, dumaju, užo nie budzie respublik. Heta budzie adna terytoryja. U 17-m hodzie [lidar partyi balšavikoŭ Uładzimir] Lenin zakłaŭ bombu — jaje treba niejtralizavać i zrabić adzinuju niepadzielnuju terytoryju. Nu buduć hubierni, jak heta było jašče pry caru, manarchičnym ładzie».
Svoj vystup aktyvist zaviaršyŭ słovami «Radzima! Vola! Pucin!».
Nieviadoma, ci była akcyja sankcyjanavanaja hrodzienskimi ŭładami. Artykuł 361 Kryminalnaha kodeksa praduhledžvaje pakarańnie za publičnyja zakliki da dziejańniaŭ, nakiravanych na parušeńnie terytaryjalnaj cełasnaści Respubliki Biełaruś. Za heta pahražaje da šaści hadoŭ pazbaŭleńnia voli.
Čytajcie taksama:
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary
Voś dzie naturalny hienacyd! Jak ža chočacca im źniščyć karaleŭski horad, taksama jak saŭki źniščali Miensk! A žycharoŭ u sibir, jak u 39-m, u ramkach kulturnaha abmienu, usie ž adnolkavyja ruskija ludzi