Hałoŭčanka raskazaŭ, kolki škoł u Biełarusi nie paśpieli padrychtavać da navučalnaha hoda
Kala dvuch dziasiatkaŭ škoł u Biełarusi nie paśpieli skončyć kapitalny ramont i nie byli ŭviedzienyja ŭ ekspłuatacyju da pačatku navučalnaha hoda. Pra heta paviedamiŭ premjer-ministr Raman Hałoŭčanka padčas pracoŭnaj pajezdki ŭ Hrodna.
Pa słovach Hałoŭčanki, pa stanie na 1 vieraśnia ŭ Biełarusi nie byli ŭviedzienyja ŭ ekspłuatacyju 18 z 2865 škoł. U ich praciahvajecca kapitalny ramont.
«Byli prapanovy pajści na kampramis i zdać jak jość, potym pacichieńku darabić. Ale na takoje my pajści nie mahli. U 18-ci škołach praciahvajecca kapitalny ramont, jaki budzie zavieršany da kanca biahučaha hoda.
Va ŭsich škołach usim navučencam arhanizavany biaśpiečnyja ŭmovy, kab navučalny praces prachodziŭ bieśpierapynna», — adznačyŭ Hałoŭčanka.
Jon udakładniŭ, što ŭ astatnich ustanovach adukacyi krainy, jakija atrymali siertyfikaty hatoŭnaści da pačatku navučalnaha hoda, usio, maŭlaŭ, pryviedziena ŭ naležny vyhlad i zabiaśpiečanyja ŭsie ŭmovy. U tym liku likvidavanyja parušeńni pa pytańniach darožnaj biaśpieki i linii MNS.
«My praviali paŭtorny kantrol tych ustanoŭ adukacyi, jakija ŭžo mieli siertyfikaty hatoŭnaści. Jak ja i padazravaŭ, u šerahu ź ich byli vyjaŭleny peŭnyja rečy, jakija vyśliznuli z-pad uvahi. Padčas paŭtornaha pilnaha ahladu ničoha nie schavałasia. Tamu mahu z upeŭnienaściu skazać, što bolšaść škoł hatovyja da navučalnaha hoda, adkrylisia siońnia i pravodziać pieršyja ŭroki», — paviedamiŭ čynoŭnik.
Pa stanie na 1 vieraśnia 2021 hoda ŭ Biełarusi naličvałasia 2967 škoł, ciapier ich, pa słovach Hałoŭčanki, 2865. Takim čynam, za dva hady ŭ Biełarusi zakryli 102 ŭstanovy adukacyi.
Pieradusim heta, treba dumać, škoły ŭ sielskaj miascovaści, jakija ŭsie apošnija hady intensiŭna zakryvajucca z-za pracesu vymirańnia vioski.
U Biełastoku zapracavała biełaruskaja škoła. U jaje zapisałasia bolš za 40 dziaciej
«Nastaŭnik hładziŭ dziaŭčynak pa hałavie, całavaŭ u makušku, šaptaŭ na vucha i moh navat liznuć»
Šaści bresckim škołam da novaha navučalnaha hoda nadali imiony savieckich hierojaŭ
U Mahilovie pajšli vučycca ŭ biełaruskamoŭny kłas tolki piać pieršakłaśnikaŭ
Minskim školnikam siońnia prapanavali niestandartny abied FOTAFAKT
U adnoj škole praviaduć ekśpierymient: dzieci buduć vučycca stojačy
Paśla papiaredžańnia ad Kitaja kolkaść mihrantaŭ na polskim kirunku skaraciłasia ŭ razy — HRAFIK1
Paśla papiaredžańnia ad Kitaja kolkaść mihrantaŭ na polskim kirunku skaraciłasia ŭ razy — HRAFIK
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka87
Kamientary
Tiem boleje, čto škoły - nie samoje hłavnoje, čto vołnujet russkij mir v Biełarusi....