Polski deputat: Abaviazkova znojdziecca rašeńnie, kab biełarusy mahli zastavacca ŭ Polščy
Deputat Siejma Polščy i vice-staršynia kamisii zamiežnych spravaŭ polskaha parłamientu Pavał Koval pierakanany, što rašeńnie Łukašenki ab zabaronie atrymańnia pašpartoŭ u dypłamatyčnych pradstaŭnictvach Biełarusi za miažoj nie pieraškodzić biełarusam zastavacca ŭ Polščy.
Były vice-ministr zamiežnych spravaŭ prakamientavaŭ «Svabodzie» apošnija novaŭviadzieńni Łukašenki.
«Heta vyklučna techničnaje rašeńnie. Abaviazkova znojdziecca rašeńnie, kab biełarusy mahli zastavacca ŭ Polščy. Usie, chto padtrymlivajuć svabodnuju Biełaruś, čakajuć kanca režymu Łukašenki. A jon nadydzie.
Davajcie nie dumać pra palityku ŭ Biełarusi takim čynam, što Łukašenka budzie zaŭsiody. Era Łukašenki skončycca. Jon stracić svaju ŭładu razam z Pucinym, a mahčyma, i raniej. A biełarusy, jakija siońnia pracujuć dla Biełarusi za miažoj, buduć kaliści stvarać sapraŭdy svabodnuju Biełaruś».
Sa žniŭnia 2020-ha kolkaść hramadzian Biełarusi, jakija majuć polskija dakumienty, vyrasła bolš jak utraja. Pavodle niefarmalnych acenak polskich dziaržaŭnych orhanaŭ, u Polščy ciapier mohuć znachodzicca bolš za 300 tysiač hramadzian Biełarusi.
U pieryjad z 10 žniŭnia 2020 da 30 červienia 2023 hodu MZS Polščy vydała hramadzianam Biełarusi 52 436 humanitarnych vizaŭ, jašče 113 906 vizaŭ — u ramkach prahramy Poland Business Harbour, jakaja dazvalaje fryłansieram, startapam, małym i siarednim pradpryjemstvam apieratyŭna pierajechać u Polšču.
«Naša dapamoha biełarusam vynikaje ź dźviuch rečaŭ. Pa-pieršaje, z tradycyi. U Polščy vielmi surjoznaja tradycyja padtrymki emihracyi, apazicyjnych kołaŭ i tych, kaho pieraśledujuć u svajoj krainie. Heta źviazana z tradycyjaj «Salidarnaści». Pa-druhoje, u Polščy heta robiać i z pryncypovych pryčyn. My źviartajem asablivuju ŭvahu na adukacyju maładoj biełaruskaj palityčnaj elity. A ŭrešcie heta budzie vyhadna i dla Biełarusi, i dla Polščy. Bo kali režym Łukašenki abryniecca, to hetyja kadry buduć adyhryvać vielmi važnuju rolu», — zajaviŭ polski deputat.
Pačynajučy z 2021 hodu, polski bok pryniaŭ 81 tysiaču pazityŭnych rašeńniaŭ ab vydačy dazvołaŭ na žycharstva dla hramadzian Biełarusi, jašče 8500 čałaviekam admovili ŭ atrymańni časovaha dazvołu na žycharstva za toj ža pieryjad. Z 2021 hodu biełarusy stali samaj bujnoj hrupaj, jakaja padaje zajavy ab atrymańni mižnarodnaj abarony ŭ Polščy.
Viačorka raskryŭ vierahodnyja terminy pačatku vydačy alternatyŭnych biełaruskich pašpartoŭ i nazvaŭ kolkaść krain, užo hatovych ich pryznać
«Balšynia biełarusaŭ, jakija tut žyvuć i pracujuć, majuć mahčymaść viarnucca». Litoŭskija ŭłady prakamientavali biełaruskija pašpartnyja prablemy
«Jak dojdzie da spravy, tady i budziem vyrašać». Niemcy pakul nie viedajuć, što rabić ź biełarusami biez pašpartoŭ
Zakančvajecca biełaruski pašpart. I što ciapier rabić? Parady advakata
Apublikavali ŭkaz Łukašenki ab zamienie pašpartoŭ za miažoj
«Kubło takoje». Ź pierapisak Kabančuka robicca jasna, čamu Vieramiejčyka paličyli niebiaśpiekaj i zabaranili jamu ŭjezd va Ukrainu34
Kamientary