Kinateatr «Pieramoha» adkryjecca paśla rekanstrukcyi ŭ nastupnym hodzie
Ciapier pravodziacca ŭnutranyja i fasadnyja pracy. Kinateatr zmoža źmiaščać značna bolšuju kolkaść hledačoŭ.
Kinateatr «Pieramoha» ŭ Minsku płanujuć adkryć paśla rekanstrukcyi ŭ pieršaj pałovie 2024 hoda, paviedamiŭ staršynia Minharvykankama Uładzimir Kucharaŭ, piša BiełTA.
«Ja dumaju, u pieršaj pałovie nastupnaha hoda my jaho ŭviadziem. Heta budzie trochi inšy kinateatr. My pastaralisia maksimalna vykarystoŭvać jaho mahčymaści. Tam budzie niekalki załaŭ. Pravodzicca zakupka samaha vysokatechnałahičnaha abstalavańnia», — skazaŭ Uładzimir Kucharaŭ.
Pavodle jaho słoŭ, u pačatku rekanstrukcyi byli surjoznyja aściarohi za stan budynka. Pryjšłosia dastatkova surjozna papracavać, u tym liku pa jaho ŭmacavańni — ciapier hetyja raboty poŭnaściu zavieršany. Pravodziacca ŭnutranyja i fasadnyja pracy. Pa vyniku kinateatr zmoža źmiaščać značna bolšuju kolkaść hledačoŭ.
Jak adznačyŭ Uładzimir Kucharaŭ, kinateatr «Pieramoha» ličycca adnym z brendaŭ Minska. Heta adzin z najstarejšych kinateatraŭ, ź jakim u bolšaści minčan źviazana šmat dobrych uspaminaŭ.
Paśla rekanstrukcyi heta budzie sapraŭdy brendavy kinateatr sa svaimi tradycyjami, ličyć staršynia Minharvykankama.
— Ja dumaju, kinateatr jašče paraduje mnohija pakaleńni minčan pakazam dobrych filmaŭ, — skazaŭ na zakančeńnie jon.
Łukašenkaŭcy ŭpieršyniu za doŭhi čas pakazali Viktara Babaryku14
Kamientary