A ŭ pačatku nastupnaha tydnia vypadzie vialiki śnieh. I schaładaje da minus 18.
Hetymi dniami terytoryja Biełarusi apyniecca pad upłyvam zony pavyšanaha cisku. U vychadnyja istotna padmarozić i ŭstalujecca soniečnaje nadvorje, a nievialiki śnieh čakajecca tolki miescami, paviedamiła hałoŭny sinoptyk Respublikanskaha hidramietcentra Minpryrody Volha Fiadotava.
Pieršaja chvala sapraŭdy zimovaha nadvorja zavitaje da nas siońnia ŭdzień, kali pachaładaje da minus 2—8 hradusaŭ, a ŭ Bresckaj vobłasci zachavajecca plus 1.
U subotu i niadzielu stanie jašče chaładniej.
Tak, 12 śniežnia na praciahu sutak budzie trymacca 3—9 marozu, pry prajaśnieńniach da minus 11.
Unačy ŭ niadzielu 4—10 marozu, pry prajaśnieńniach da minus 14, udzień — 1—9 marozu, u paŭnočnym rehijonie da minus 11.
U piatnicu i subotu na asobnych učastkach daroh hałalodzica.
U pačatku nastupnaha tydnia zachavajecca ŭmierana maroznaje nadvorje. Čakajecca, što ŭ paniadziełak amal paŭsiudna,
a ŭ aŭtorak i sieradu miescami pa krainie vypadzie dobry śnieh.
Na darohach znoŭ hałalodzica. Novaja chvala arktyčnaha choładu zavitaje da nas u siaredzinie nastupnaha tydnia, kali tempieratura ŭnačy znizicca
da minus 8—14 hradusaŭ, pry prajaśnieńniach da 15—18 marozu, udzień minus 6—13.
Sapraŭdy choładna.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary