А ў пачатку наступнага тыдня выпадзе вялікі снег. І схаладае да мінус 18.
Гэтымi днямi тэрыторыя Беларусi апынецца пад уплывам зоны павышанага цiску. У выхадныя iстотна падмарозiць i ўсталюецца сонечнае надвор’е, а невялiкi снег чакаецца толькi месцамi, паведамiла галоўны сiноптык Рэспублiканскага гiдраметцэнтра Мiнпрыроды Вольга Фядотава.
Першая хваля сапраўды зiмовага надвор’я завiтае да нас сёння ўдзень, калi пахаладае да мiнус 2—8 градусаў, а ў Брэсцкай вобласцi захаваецца плюс 1.
У суботу i нядзелю стане яшчэ халадней.
Так, 12 снежня на працягу сутак будзе трымацца 3—9 марозу, пры праясненнях да мiнус 11.
Уначы ў нядзелю 4—10 марозу, пры праясненнях да мiнус 14, удзень — 1—9 марозу, у паўночным рэгiёне да мiнус 11.
У пятнiцу i суботу на асобных участках дарог галалёдзiца.
У пачатку наступнага тыдня захаваецца ўмерана марознае надвор’е. Чакаецца, што ў панядзелак амаль паўсюдна,
а ў аўторак i сераду месцамi па краiне выпадзе добры снег.
На дарогах зноў галалёдзiца. Новая хваля арктычнага холаду завiтае да нас у сярэдзiне наступнага тыдня, калi тэмпература ўначы знiзiцца
да мiнус 8—14 градусаў, пры праясненнях да 15—18 марозу, удзень мiнус 6—13.
Сапраўды холадна.
Цяпер чытаюць
Бабарыка: Калі б мы перамаглі — вайны ва Украіне не было б20
Каментары