Polšča abviarhaje pierasiačeńnie polskim viertalotam biełaruskaj miažy
Kamandavańnie polskich Uzbrojenych sił adreahavała na paviedamleńnie Ministerstva abarony Biełarusi, što nibyta polski vajskovy viertalot siońnia parušyŭ polska-biełaruskuju miažu.
«Paviedamlajem, što siońniašniaja zajava biełaruskaha boku ab nibyta pierasiačeńni miažy polskim viertalotam nie adpaviadaje rečaisnaści», — havorycca ŭ paviedamleńni apieratyŭnaha štaba Uzbrojenych sił Polščy.
Ministerstva abarony Biełarusi siońnia paviedamiła, što ŭ 15:20 polski viertalot nibyta pierasiek miažu i zalacieŭ na 1,5 kiłamietra ŭhłyb. Praz hadzinu viertalot nibyta paŭtorna parušyŭ dziaržaŭnuju miažu, zalacieŭšy na 300 mietraŭ.
Heta ŭžo treciaja situacyja padobnaha kštałtu za apošnija dva miesiacy. 1 vieraśnia Pamiežny kamitet Biełarusi zajaŭlaŭ, što polski viertalot Mi-24 parušyŭ miažu i nibyta zalacieŭ na 1200 m uhłyb Biełarusi. Dalej u MZS byŭ vyklikany časovy pavierany ŭ spravach Polščy, a polskija vajskoŭcy nazvali abvinavačańni DPK «chłuślivymi» i zajavili, što heta «pravakacyja».
Pierad hetym 1 žniŭnia stała viadoma pra parušeńnie polskaj pavietranaj prastory z boku Biełarusi dvuma viertalotami. Biełaruski bok fakt parušeńnia taksama nastojliva admaŭlaŭ.
«Nie rasceńvajem heta jak pravakacyju». Chrenin nazvaŭ incydent z polskim viertalotam pamyłkaj lotčykaŭ
Viertalot sapraŭdy pierasiek polskuju miažu, ale nieviadoma čyj — Biełaruski Hajun
«Pravakacyja i chłuślivyja abvinavačańni». U polskim vojsku admaŭlajuć, što ich viertaloty zalatali na biełaruskuju terytoryju
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava10
Kamientary